Səfirliyə hücum iki ay əvvəl planlaşdırılıb - SEPAH polkovnikinin etirafıYanvarın 27-də Azərbaycanın İrandakı səfirliyinə edilmiş terror hücumunun təsadüfi baş vermədiyi ortaya çıxmaqdadır.

Bəzi faktlar bu hücumun əvvəldən planlaşdırıldığını bir daha təsdiqləyir.

Hələ bir neçə ay əvvəl SEPAH-ın Qüds bölməsinin rəhbərlərində biri, polkovnik Həbib Babayi naxçıvanlı sürücülərə, eləcə də Azərbaycanın Tehrandakı səfirliyinə qarşı hücum və terror aktları planlaşdırdıqları barədə danışıb.

Həbib Babayi Ermənistandan yayımlanan, fəaliyyəti Azərbaycanda milli etnik zəmində qarşıdurma və təxribatlar üzərində qurulmuş internet tv-də separatçı Zabil Məhərrəmova müsahibəsində bu hücumların anonsunu verib.

Həbib Babayinin anonsunu verdiyi terror aktı yanvarın 27-də həyata keçirilib.

Bu kimi faktlar bir daha göstərir ki, yanvarın 27-də Azərbaycan səfirliyinə edilən xain terror hücumu əvvəldən xüsusi planla hazırlanıb, İran rəsmilərinin insidentin ailə-məişət zəminində baş verdiyini vurğulaması, hadisənin motivini dəyişməyə çalışması əsassızdır.
Səfirliyə hücumla bağlı yeni görüntülər yayıldı - VideoXəbər verdiyimiz kimi, bu gün saat 08:30 radələrində Azərbaycanın Tehrandakı səfirliyinə Yasin Hüseynzadə olduğu iddia edilən İran vətəndaşı terror hücumu təşkil edib. Avtomat silahla edilən hücumda səfirliyimizin təhlükəsizlik xidmətinin rəisi Orxan Əsgərov qətlə yetirilib, daha iki əməkdaş yaralanıb.

Avrasiya.net terrorçunun binadan çıxarıldıqdan sonrakı hücumu ilə bağlı növbəti görüntüləri təqdim edir:
İranın hücumla bağlı yalanı ifşa olundu - PetrovBakıya Azərbaycanın Tehrandakı səfirliyində baş vermiş terror aktının “hərtərəfli araşdırılacağını” vəd edən İran hakimiyyəti buna saxta məlumat yaymaqla başladı. Diplomatik missiyaya hücumdan sonrakı ilk saatda Tehran polisi basqının “şəxsi və ailəvi” motivləri əsasında edildiyini və terrorçu ilə birlikdə orada iki azyaşlı uşağın olduğu barədə bəyanat yaydı. İddialara görə, o, səfirliyə arvadını tapmaq üçün gəlib. Tehran polisinin yalanları video-görüntülərlə dərhal ifşa olundu. Səfirlikdəki və onun qarşısındakı müşahidə kameraları İranın yalanını ifşa etdi.

Axar.az xəbər verir ki, bunu rusiyalı analitik Andrey Petrov deyib.

“Səfirliyin daxilində terror aktını lentə alan ən dəhşətli kadrlarda yaraqlının binaya tək girdiyi aydın görünür. Onun cinayət yerinə gələn görüntülərdə terrorçunun avtomobili görünür, orada sərnişin yoxdur. Yəni terror aktını törədən şəxs əvvəldən təkbaşına hərəkət edib, yanında uşaq olmayıb. İran hakimiyyətinə terror aktı ilə bağlı Bakıya və bütün dünyaya yalan danışmaq nəyə lazım idi?

Yaraqlının dindirilməsi zamanı daha bir yalan məlumat yayılır. Guya ötən ilin yazından onun arvadı Azərbaycan səfirliyində olub, o da bu barədə Azərbaycan diplomatlarına mütəmadi müraciət edib, lakin cavab almayıb. Ona görə də qatil “Kalaşnikov” avtomatından istifadə etməklə arvadını tapmaq qərarına gəlib. Bu nə deməkdir? Təbii ki, İran polisi avtomobildə və ya yaxınlıqda uşaq olmadığına diqqət yetirməyə bilməzdi. Bu da onların “psixi balansı olmayan cinayətkar” versiyasının artıq etibarlı olmadığını göstərir. Əvəzində başqa versiya gündəmə gəlir: Azərbaycanın Tehrandakı səfirliyinə qarşı törədilən terror aktı İranın bu və ya digər yüksək dairəli hakimiyyət orqanlarının iştirakı ilə əvvəlcədən planlaşdırılıb. Yaraqlı əvvəlcədən hazırlanıb. Bu yalançı məlumatlarla da terror təşkilatçıları məsuliyyətdən yayınmağa, hücumun "şəxsi və ailə" motivləri əsasında olduğu görüntüsünü yaratmağa çalışıblar”, - o bildirib.

Analitik qeyd edib ki, hazırda terrorçu ilə Tehran polisinin eyni komandada olduğu aydındır:

“Terror aktında daha kimin əli olduğu və mövzuların nə qədər uzandığı Tehranın vəd etdiyi “hərtərəfli araşdırma” zamanı aydınlaşdırılmalı olacaq. İran araşdırma işinə başlasa da, çox güman ki, hadisənin əsl səbəbini yalnız Azərbaycan xüsusi xidmət orqanları üzə çıxaracaq. Bu baxımdan, Azərbaycan səfirliyinin Tehrandan təxliyəsi ilə bağlı qərar təəccüblü görünmür. İran hakimiyyəti onun təhlükəsizliyini təmin etməyib. Kadrlardan görünür ki, diplomatik missiyaya giriş tamamilə sərbəstdir, onun yanında yalnız kiçik bir köşk var. Və orada olan iranlı polis əlində silah olan cinayətkarın girişinə heç bir reaksiya vermir. Azərbaycan diplomatlarının İranda daim təhdid altında olduğu aydın olduğu üçün onların Bakıya qayıtması vacibdir”.
Səfirliyimiz Tehrandan təxliyə olunacaq – XİN rəsmisiBiz bu mənfur hücumu ən sərt şəkildə qınayırıq. Biz İran hökumətindən təcavüzkarın və təhrikçinin müəyyən edilməsi üçün lazımi addımların atılmasını tələb edirik.

Avrasiya.net-in məlumatına görə, bu barədə Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə “TRT Haber”ə açıqlamasında bildirib.

"Hər bir dövlət öz ölkəsindəki səfirliklərin təhlükəsizliyini təmin etmək üçün məsuliyyət daşıyır. Azərbaycan hökuməti tezliklə Tehran səfirliyini boşaltmağı planlaşdırır", - deyə XİN rəsmisi əlavə edib.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.
İran mediası: Azərbaycan səfirliyinə o hücum edib - VideoAzərbaycanın İrandakı səfirliyinə silahlı hücum erməni tərəfindən edilib.

Bu barədə “Araz Nyus” Teleqram kanalı məlumat yayıb.

Kanal İran mətbuatına istinadla yaydığı məlumatda hadisənin erməni əsilli İran vətəndaşı tərəfindən törədildiyini bildirib.

Həmçinin, digər mənbələr hücum edən şəxsin artıq saxlanıldığına dair məlumatlar yayıb.

Qeyd edək ki, bu gün səhər saatlarında Azərbaycanın İrandakı səfirliyinə edilən silahlı hücum nəticəsində səfirliyimizin təhlükəsizlik xidmətinin rəhbəri Orxan Əsgərov şəhid olub, iki nəfər isə yaralanıb.
May ayında böyük əfv olacaqUlu öndərin 100 illiyi ilə əlaqədar böyük əfv olacaq.

Avrasiya.net xəbər verir ki, bunu Milli Məclisin İnsan hüquqları komitəsinin sədri, Əfv Komissiyasının üzvü Zahid Oruc deyib.

"Əfv Komissiyasında artıq 360-a yaxın sənəd müzakirə edilib. Müraciətlərə baxılması may ayına qədər davam edəcək", - o əlavə edib.
20 Yanvar öncəsi ABŞ-dan Qorbaçova şok məktub20 Yanvar faciəsini ABŞ və Rusiya birgə törədib.

Kult.az xəbər verir ki, bu fikirləri tarixçi alim Zaur Əliyev deyib.

O bildirib ki, 1990-cı il yanvarın 18-də ABŞ Konqresinin bir qrup üzvü SSRİ rəhbəri Mixail Qorbaçova müraciət edib. Müraciətdə yazılır:

“Biz erməni azlıqların qətlinin, o cümlədən bu regionda digər zorakılıq hallarının qarşısının alınması üçün sizdən bütün zəruri tədbirlərin görülməsini xahiş edirik. Vətəndaş sülhünün bərpa olunması ilə yanaşı, ümid edirik ki, öz vətəninə getmək istəyi olan ermənilərin bu regiondan təhlükəsiz köçməsini təmin etmək də Sovet rəhbərliyinin məqsədi olacaq. Ümid edirik ki, siz həmçinin bir çox amerikalı və digər əcnəbilərin işləməyə davam etdikləri zəlzələ zonasında Qarabağ və Ermənistanın iqtisadi blokadasını aradan qaldıracaqsınız. Azərbaycan əhalisinin dəhşətli dərəcədə hiddətlənməsi 160 min Dağlıq Qarabağ ermənisinin Ermənistanla birləşməsinin zəruriliyini bir daha önə çəkir. 70 il ərzində Azərbaycan hökuməti yalnız region əhalisinin mədəni hüquqlarını məhdudlaşdırmağa, habelə region əhalisinin 60 faizini təşkil edən Dağlıq Qarabağ ermənilərinin iqtisadi diskriminasiyasına nail olub. Biz sizdən təkidlə xahiş edirik ki, baş verən faciəni Qarabağ xalqının Sovet dövləti çərçivəsində gələcək siyasi və mədəni mənsubiyyətini seçmək hüququnu tanımaqla həll edəsiniz”.

Alim qeyd edib ki, müraciəti Con Kerri ilə yanaşı, senatorlar Pit Uilson, Pols Seymak, Larri Breksler, Kleyborn Pell kimi şəxslər imzalayıblar:

“Yanvarın 19-da isə Moskvada ABŞ Senatının xarici işlər üzrə alt komissiyasının sədri, senator Kleyborn Pell SSRİ-nin xarici işlər naziri Eduard Şevardnadze ilə görüşüb. Söhbət əsnasında K.Pell deyib ki, Sovet rəhbərliyi Azərbaycana “erməni Qarabağı” üzərində gələcək nəzarəti həyata keçirməyə imkan verməməlidir: “Mən azərbaycanlıların qəddarlığından və SSRİ-də erməni talanlarından son dərəcə sarsılmışam. Sovet hökuməti erməni əhalisinin təhlükəsizliyini təmin etmək üçün bütün tədbirləri görməlidir. Sovet hökuməti həmçinin Dağlıq Qarabağı Azərbaycanın tərkibindən çıxarmalıdır. Dağlıq Qarabağ üzərində gələcək nəzarəti Azərbaycanın əlində saxlamasına icazə vermək vəziyyəti daha da gərginləşdirmək deməkdir”.

Bu məktubun yazılma tarixi və müraciət bir fikrə gəlməyə əsas verir: Moskva Amerikanın təkidi ilə Bakıya qoşun yeridərək ermənilərin qisasını alıb! Faciənin əsas günahkarları tək Moskva deyil. Vaşinqton da eyni dərəcədə günahkardır”.

Z.Əliyevin sözlərinə görə, bu işin icra olunması Amerikada erməni lobbisi və Moskvada oturan ermənipərəst vəzifələrin sayəsində olub; Rusiya qoşunlarının Bakıya yeridilməsinə ABŞ-a öz töhfəsini verib:

“Bu, qisas əməliyyatı olub və Azərbaycana yeridilən ordu hissələrinin tərkibinə Stavropol, Krasnodar və Rostovdan səfərbərliyə alınan xüsusi təlim keçmiş erməni əsgər və zabitləri, eləcə də Sovet hərbi hissələrində xidmət edən ermənilər, hətta erməni kursantlar da daxil edilib.

“Şit” təşkilatı müstəqil hərbi ekspertlərinin hesabatında yazılır: “Hücumdan öncə əsgərlərə deyilib: “Sizi Bakıya rusları müdafiə etmək üçün gətirmişlər, yerli əhali onları vəhşicəsinə məhv edir; ekstremistlər Salyan kazarmasının ətrafındakı evlərin damlarında snayperlər yerləşdirmişlər. Təkcə bu ərazidə 110 atəş nöqtəsi var; binalar, mənzillər Azərbaycan Xalq Cəbhəsinin yaraqlıları ilə doludur, onlar sizi güclü avtomat-pulemyot atəşinə tutacaqlar”.

Bu isə tərpənən hədəfi vurmaq anlamına gəlir. Adamları xüsusi qəddarlıqla və yaxın məsafədən güllələmişlər. Bu günə qədər də Amerika və Rusiya siyasi dairələri 20 Yanvar faciəsi ilə bağlı rəsmi mövqe ortaya qoymayıblar. Çünki ikisinin də əli xalqımızın qanına batıb!”
AZƏRBAYCANDA YENİ VİRUS YAYILIB - Nazirlik həyəcan təbili çaldı + VİDEOSon günlər azyaşlılar və böyüklər arasında yayılan virusun qripin influenza növü olduğu təsdiqlənib.

Paytaxtda özəl klinikaya müraciət edən xəstələrdən birində analizlər müsbət nəticə verib.

Onun influenza virusuna yoluxduğu məlum olub.

Həmin xəstəxananın pediatrı Yalçın Mirzəyev "Xəzər TV"yə bildirib ki, virus əsasən 1-5 yaş arasında olan uşaqlarda daha çox yayılır. Onun sözlərinə görə, virus kəskin respirator xəstəliklərə xarkterik əlamətlərlə özünü göstərir. O deyib ki, xüsusilə risk qrupuna daxil olan şəxslər ən azı 48 saat ərzində həkimə müraciət etməlidirlər. Əks halda daha ağır nəticələri ola bilər.

Valideynlər isə deyirlər ki, virusun ən ağır əlaməti temperaturun bir neçə gün davam etməsidir. Onların sözlərinə görə, bu hal uşaqlarda ciddi narahatlığa səbəb olur.

Səhiyyə Nazirliyi virusun yayıldığını təsdiqləyib.

Bildirildi ki, hazırda hərarətin yüksəlməsi, halsızlıq, boğaz ağrısı, öskürək, burun tutulması, axması əlamətləri ilə xəstələnmə halları müşahidə edilir. Bu xəstələrdən götürülmüş yaxmalardan yeni növ koronavirus, kəskin respirator virus infeksiyaları və bu qrupa daxil olan influenza virusu aşkarlanır. Virusa yoluxan şəxslərin qrip əleyhinə peyvənd olunması tövsiyə olunur.
Qanlı Yanvar hadisələri Azərbaycan milli kimliyinin formalaşmasına təsir göstərib
Azərbaycan tarixinin qəhrəmanlıq səhifəsi olan 1990-cı ilin 20 Yanvar faciəsindən artıq 33 il ötür. 20 Yanvar faciəsini nə qədər böyük ağrı hissi ilə xatırlasaq da, xalqımızın azadlığı uğrunda mübarizəsini görəndə böyük qürur hissi keçiririk.

1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Həmin gün Sovet ordusunun bölmələri dinc əhaliyə qarşı görünməmiş vəhşiliklər törətdilər. Sovet ordusu qoşunlarının hərbi əməliyyatları nəticəsində 147 nəfər öldürülmüş, 744 nəfər yaralanmış, 841 nəfər qanunsuz həbs olunmuş, 200 ev və mənzil, 80 avtomaşın, o cümlədən təcili yardım maşınları, dövlət əmlakı və şəxsi əmlak məhv edilmişdir. Dövlət, ictimai və şəxsi əmlaka həmin dövrün qiymətləri ilə 5.637.286 rubl miqdarında maddi ziyan vurulmuşdu.

Şübhəsiz ki, bu cinayət Beynəlxalq hüquqi məsuliyyətdən yayınmış hərbi cinayət idi. SSRİ rəhbərliyi tərəfindən həyata keçirilən bu bəşəri cinayəti həmin dövrlərdə obyektiv siyasi hüquqi qiymət alması qeyri-mümkün idi. Təsadüfi deyil ki, SSRİ Baş Prokurorluğunun ədliyyə polkovniki V.Medvedyevin istintaq qrupu hərbçilərin hərəkətlərində cinayət tərkibinin olmaması nəticəsinə gəlmiş və 20 iyul 1990-cı il tarixində cinayət işinin xitam olunması barədə qərarı vermiş 100 cildlik istintaq materiallarının 68 cildi Bakıdan Moskvaya, keçmiş SSRİ Prokurorluğuna aparılaraq geri qaytarılmamışdır. Ümummilli Lider Heydər Əliyev hakimiyyətə qayıdana qədər bu qanlı faciəyə siyasi hüquqi qiymət verilməmşidir. Qanlı cinayətə ilk etiraz edənlərdən biri də Ulu Öndər Heydər Əliyev olmuşdur. Belə ki, Sovet rejiminin qadağalarına baxmayaraq, faciədən bir gün sonra Moskvadakı Daimi Nümayəndəliyə gələn Ulu Öndər Bakıya rus ordusunun yeridilməsi ilə bağlı SSRİ rəhbərliyinin qərarını kəskin tənqid edərək, rəsmi açıqlamanı tələb etdi:
“Azərbaycana kənardan böyük ordu kontingenti yeridilmişdir. Respublikada neçə ordu birləşməsinin olduğu mənə yaxşı bəllidir. Azərbaycanda kifayət qədər - 4-cü ordu, Xəzər Hərbi Dəniz Donanması, desant qoşunlarının diviziyası, Hava Hücumundan Müdafiə Qoşunları, DİN-in daxili qoşun birləşmələri vardır. Oraya əlavə qoşun yeritmək nəyə lazım idi? Əgər belə zərurət var idisə, orada yerləşən hərbi hissələrdən də istifadə etmək olardı. Belə qərar qəbul edən Azərbaycan rəhbərliyi, hamıdan əvvəl isə Azərbaycanı qoyub qaçmış Vəzirov, öz xalqı qarşısında məsuliyyət daşımalıdır”.

Xalqın mübarizəsini, tökülən qanı siyasi niyyətləri üçün alətə çevirən Azərbaycan Xalq Cəbhəsinin başında duranların iç üzü açılmağa başlamışdı. Belə ki, 20 Yanvar hadisələrinə siyasi qiymət verilməsi tələbi ilə dəfələrlə çıxış edən Azərbaycan Xalq Cəbhəsi hakimiyyətə gəldikdən sonra bu mövzunu unutdu. Onlar hakimiyyətdə olduğu dövrdə faciəyə siyasi qiymət vermək üçün öz imkanlarından istifadə etmədilər.

Həmin faciəvi günləri yaxşı xatırladığını bildirən Prezident İlham Əliyev bildirir: “Hamımız yaxşı xatırlayırıq ki, pensiyada olan Heydər Əliyev faciə baş verəndən dərhal sonra Azərbaycanın Moskvadakı Daimi Nümayəndəliyinə gəlmiş və öz etiraz səsini ucaltmışdı.

Ulu Öndər Heydər Əliyevin yolunu uğurla davam etdirən Prezident İlham Əliyev də şəhidlərin xatirəsinin uca tutulmasına, şəhid ailələrinin sosial məsələlərinin həll olunmasına xüsusi diqqət ayırır. Prezident İlham Əliyevin təşəbbüsləri sayəsində 20 Yanvar hadisələri ilə əlaqədar əlilliyi olan şəxslər və şəhid ailələri üçün effektiv sosial müdafiə sistemi formalaşıb. Dövlət Başçısının“20 Yanvar faciəsinin 33-cü ildönümü ilə əlaqədar” 2023-cü il 11 yanvar tarixində Azərbaycan Respublikası Prezidentinin Fərmanı(https://azertag.az/xeber/20_Yanvar_sehidinin_ailesi_uchun_Azerbaycan_Respublikasi_Prezidentinin_teqaudunun_mebleginin_artirilmasi_ve_20_Yanvar_sehidinin_ailesi_uchun_Azerbaycan_Respublikasi_Prezidentinin_teqaudunun_tesis_edilmesi_haqqinda_Azerbaycan_Respublikasi_Prezidentinin_2006_ci_il_19_yanvar_tarixli_350_nomreli_Fermaninda_deyisiklik_edilmesi_barede__Azerbaycan_Respublikasi_Prezidentinin_Fermani-2443478) Fərmana əsasən 20 Yanvar şəhidinin ailəsi üçün Azərbaycan Respublikası Prezidentinin təqaüdünün aylıq məbləği 2023-cü il yanvarın 1-dən 600 (altı yüz) manat müəyyən edilib (əvvəl 500 manat təşkil edirdi).

Onların uyuduğu Şəhidlər Xiyabanında təmir və yenidənqurma işləri ilə yanaşı, Bakının Yasamal rayonundakı “20 Yanvar” dairəsində, Həsən bəy Zərdabi və Müzəffər Həsənov küçələrinin kəsişməsində Qanlı Yanvar şəhidlərinin xatirəsinə memorial abidə kompleksi ucaldılmışdır.

Hər il yanvarın 20-də saat 12:00-da Azərbaycanın bütün ərazisində 20 Yanvar şəhidlərinin xatirəsi bir dəqiqəlik sükutla yad olunur, gəmilərdən, avtomobillərdən və qatarlardan səs siqnalları verilir, hüzn əlaməti olaraq dövlət bayraqları endirilir.

Həmçinin onu da vurğulamaq lazımdır ki, hazırda 20 Yanvar faciəsi zamanı şəhid olmuş Azərbaycan övladlarının ruhu şaddır! Çünki, 44 günlük Vətən müharibəsi nəticəsində Müzəffər Ali Baş Komandanın sərkərdərliyi ilə Azərbaycan torpaqları işğaldan azad edilməsi bütün şəhidlərimizin uğrunda canını fəda etdiyi məqsədə çatması hesab olunur.

Anar Məmmədov
Xətai rayon İcra Hakimiyyəti
Vətən müharibəsi iştirakçıları və şəhid ailələri ilə işin təşkili şöbəsinin müdiri
Prezidentdən siyasi partiyalarla bağlı qadağaAzərbaycanda siyasi partiyaların fəaliyyətinin qadağan olunduğu hallar müəyyən edilir.

Avrasiya.net xəbər verir ki, Prezident İlham Əliyev “Siyasi partiyalar haqqında” Azərbaycan Respublikasının Qanununu təsdiqləyib.

Yeni qanuna əsasən, siyasi partiyaların aşağıdakı məqsədlə təsis edilməsinə və fəaliyyətinə yol verilmir:

- Azərbaycan Respublikasının konstitusiya quruluşunun zorla dəyişdirilməsi, ərazi bütövlüyünün parçalanması, hakimiyyətin zorla ələ keçirilməsi və ya saxlanılması, kütləvi iğtişaşlara, terrorçuluğa açıq çağırışlar edilməsi;

- terrorçuluğun, dini ekstremizmin, zorakılığın və qəddarlığın, habelə irqi, dini, mənşə, cinsi, etnik və digər ayrı-seçkiliyin, həmçinin sağlamlığın və ətraf mühitin qorunmasına zidd olan hərəkətlərin təbliği;

- irqi, dini və ya etnik düşmənçiliyin salınması.

- Azərbaycan Respublikasının ərazisində xarici dövlətlərin siyasi partiyalarının, habelə onların bölmələrinin və təşkilatlarının təsis edilməsinə və fəaliyyətinə yol verilmir.

- Azərbaycan Respublikasının Silahlı Qüvvələrində, dövlət orqanlarında (qurumlarında), yerli özünüidarəetmə orqanlarında, təhsil müəssisələrində, həmçinin Azərbaycan Respublikasının Əmək Məcəlləsinə uyğun olaraq mülkiyyətçinin təşkilati-hüquqi formasından, adından və fəaliyyət növündən asılı olmayaraq yaratdığı hüquqi şəxsdə, onun və xarici hüquqi şəxsin filialında, nümayəndəliyində siyasi partiyaların təsis edilməsi və fəaliyyəti qadağandır.

- Siyasi partiyaların fəaliyyəti onların üzvlərinin Azərbaycan Respublikasının Konstitusiyasında, Azərbaycan Respublikasının tərəfdar çıxdığı beynəlxalq müqavilələrdə və Azərbaycan Respublikasının digər normativ hüquqi aktlarında təsbit olunmuş əsas insan və vətəndaş hüquq və azadlıqlarının məhdudlaşdırılmasına yönələ bilməz.

- Siyasi partiyanın dövlət qeydiyyatına alınmadan fəaliyyət göstərməsinə yol verilmir.

- Siyasi partiyanın qərargahı Azərbaycan Respublikasında yerləşməlidir. Siyasi partiya fəaliyyətini Azərbaycan Respublikasının bütün ərazisində həyata keçirə bilər.

- Siyasi partiyanın bütün xalqın adından danışmaq və bütün xalqın adından müraciət etmək hüququ yoxdur.

- Siyasi partiyalar öz hüquqlarından sui-istifadə etməməlidirlər.

- Siyasi partiyaya üzv olmaq kişi və qadınlar üçün eyni şərtlərlə mümkün olmalıdır və onlar üçün bərabər imkanlar yaradılmalıdır.

- Siyasi partiyanın nizamnaməsi həmin partiyanın fəaliyyətində əlilliyi olan şəxslərin iştirakını məhdudlaşdırmamalıdır.

- Siyasi partiyanın fəaliyyətinin dayandırıldığı dövrdə (siyasi partiya tərəfindən məcburi dövlət ödənişlərinin, cərimələrin, mövcud mülki-hüquqi və əmək müqavilələri üzrə ödənişlərin, fəaliyyəti nəticəsində dəymiş ziyanın ödənilməsi, həmçinin bu Qanunun 8.2-ci maddəsində və 8.7-ci maddəsinin birinci cümləsində müəyyən edilmiş hərəkətlər istisna olmaqla) və ya ləğvinin dövlət qeydiyyatına alındığı halda onun hər hansı formada fəaliyyət göstərməsi, o cümlədən partiya orqanlarının (struktur qurumlarının) və üzvlərinin siyasi partiyanın adından çıxış etməsi və ya fəaliyyət göstərməsi, toplantıların keçirilməsi, maliyyə əməliyyatlarının aparılması, yaxud onun fəaliyyətinin qanunsuz təşkilində və ya işində iştirak qadağandır. Siyasi partiyanın səlahiyyət müddəti bitmiş orqanları (struktur qurumları) tərəfindən partiyanın fəaliyyəti ilə əlaqədar hər hansı hərəkətlərin edilməsi, o cümlədən qərarların qəbul edilməsi və ya sənədlərin imzalanması qadağandır.