"Azərsun Sənaye Parkı”nda yanğın: Nazir hadisə yerindədir - Foto/Video"Azərsun Sənaye Parkı”nda yanğın başlayıb.

Bu barədə Avrasiya.net-ə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in "112" qaynar telefon xəttinə Sumqayıt şəhərinin Hacı Zeynalabdin qəsəbəsində "Azərsun Sənaye Parkı”nın ərazisində yanğın olması barədə məlumat daxil olub. Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Hazırda yanğının söndürülməsi istiqamətində operativ və təxirəsalınmaz tədbirlər həyata keçirilir.

***

Hazırda FHN-in Dövlət Yanğından Mühafizə Xidməti və Sumqayıt Regional Mərkəzinin qüvvələri ilə yanaşı, Aviasiya dəstəsinin 2 ədəd helikopteri, eləcə də yanğın qatarı yanğının söndürülməsi əməliyyatına cəlb olunub.

Əlavə məlumat veriləcək.

***

Fövqəladə Hallar Nazirliyi tərəfindən Sumqayıt şəhərinin Hacı Zeynalabdin qəsəbəsində yerləşən "Azərsun Sənaye Parkı”nın ərazisində baş vermiş yanğınla mübarizə tədbirləri davam etdirilir.

Fövqəladə hallar naziri general-polkovnik Kəmaləddin Heydərov hazırda yanğın baş verən ərazidədir.

Əlavə məlumat veriləcək.

***

Fövqəladə Hallar Nazirliyi tərəfindən Sumqayıt şəhərinin Hacı Zeynalabdin qəsəbəsində yerləşən "Azərsun Sənaye Parkı”nın ərazisində baş vermiş yanğınla mübarizə tədbirləri davam etdirilir.

Fövqəladə hallar naziri general-polkovnik Kəmaləddin Heydərov hazırda yanğın baş verən ərazidədir.

Əlavə məlumat veriləcək.
Aqşin Fatehlə şəriki arasında dava: bir qız xəsarət aldıTanınmış meyxanaçı Aqşin Fatehlə şəriki arasında dava düşüb, xəsarət alan var.

Avrasiya.net Bakupost.az-a istinadən xəbər verir ki, hadisə A.Fatehin işlətdiyi “ByFateh1” restoranında baş verib.

Hadisəyə səbəb A.Fatehlə şəriki Füzuli Alıyev arasında baş verən narazılıq olub.

Məlumata görə, A.Fatehlə F. Alıyev 8 ay əvvəl şərik restoran açıblar, amma bir neçə ay sonra şəriklər arasında problemlər yaranıb.

Aprelin əvvəlindən F.Alıyev A.Fatehi restorana buraxdırmayıb və onlar arasında mübahisə yaranıb, şəriklik müqaviləsinə xitam verilib.

Aprelin 17-də isə A.Fateh bir neçə nəfərlə restoranda olan əşyalarını, özünə məxsus bəzi texnikalarını götürmək üçün oraya gedib.

Bu vaxt tərəflər arasında dava düşüb. Restoranı işlədənlər “102” xidmətinə və Binəqədi rayon Polis İdarəsinin 6-cı Polis Bölməsinə şikayət ediblər.

Onlar iddia ediblər ki, A.Fateh kriminal qruplaşmanın bir neçə üzvü ilə restorana hücum çəkib, əllərində bıçaqla onları hədələyiblər, zor tətbiq ediblər. Bu zaman restoranda gül satan qız isə zədələnib.

Qarşı tərəf bunun böhtan olduğunu, onlara məxsus əşyaları mənimsəmək üçün və qisas məqsədi ilə belə bir şikayət verildiyini bildirib.

Məsələ ilə bağlı 6-cı Polis Bölməsi şikayətçilərin iddialarının əsassız olmasını, heç bir sübut olmadığını əsas gətirərək şikayəti rədd edib.

Lakin şikayətçilər Binəqədi Polis İdarəsinə və Baş Mütəşəkkil Cinayətkarlıqla Mübarizə İdarəsinə (BMCMİ) şikayət ediblər.

Bundan sonra Binəqədi Polis İdarəsində xuliqanlıq maddəsi ilə cinayət işi açılıb.
Bu gün koronadan bir nəfər öldüAzərbaycanda koronavirus (COVID-19) infeksiyasına 11 yeni yoluxma faktı qeydə alınıb, 34 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, xəstəlikdən bir nəfər vəfat edib.

İndiyədək ölkədə ümumilikdə 792 545 nəfərin koronavirus infeksiyasına yoluxması faktı müəyyən edilib, onlardan 782 728 nəfər müalicə olunaraq sağalıb, 9 709 nəfər vəfat edib. 108 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 3 088, bu günə qədər isə ümumilikdə 6 808 651 test icra olunub.
Rusiyada iki helikopter toqquşduRusiyanın Saratov vilayətində iki helikopter təlim zamanı toqquşub.

Saratov şəhərinin meri Mixail İsayev faktı təsdiqləyib.

“Kumısnaya Polyana ərazisində təlim uçuşu həyata keçirən helikopter qəzaya uğrayıb. İlkin məlumata görə, ekipaj paraşütlə helikopteri tərk edib. Onlardan biri sağ tapılıb”, - mer bildirib.
"Gender bərabərliyi və bərabər imkanlar" layihəsinin növbəti tədbiri Xaçmazda keçirilib“Qadın və Gənc Ailələrin Sosial İnkişafı” İctimai Birliyi və Azərbaycan Respublikası QHT-ə Dövlət Dəstəyi Agentliyinin maliyyə dəstəyi ilə həyata keçirdiyi “Gender bərabərliyi və bərabər imkanlar!” layihəsi davam edir.
Layihənin əsas məqsədi regionlarda gənclər üçün gender bərabərliyinə dair qanunvericiliyin təbliği və bu maarifləndirmə işini təşkil etməklə cəmiyyətdə gender bərabərliyinin inkişafına nail olmaqdan ibarətdir.
Layihə fevral-aprel ayları ərzində Xaçmaz və Şabran rayonlarında həyata keçirilir.

Ümumilikdə altı təlimi əhatə edən layihəyə 150 nəfər 15-29 yaşları əhatə edən gənclər cəlb olunublar. Hər təlimdə 25 nəfər gənc iştirak edir. Layihənin növbəti təlimi Xaçmaz rayonu Köhnə Xaçmaz kənd tam orta məktəbində keçirildi. Layihəni maraqla qarşılayan gənclər gender bərabərliyinə dair qanunvericiliklə baglı maarifləndirildilər. Gənclər üçün təlim müddətində maarifləndirici roliklər göstərildi. Təlimin sonunda mövzu ilə bağlı müzakirələr keçirildi.

Layihənin davamlılığını təmin etmək məqsədilə, təşkilat təlim iştirakçıları və layihənin ekspert qrupundan ibarət şəbəkə yaradacaq və bu şəbəkədə maarifləndirmə işləri davam etdiriləcəkdir. Eyni zamanda təşkilatın filialının layihə həyata keçən regionda yerləşdiyindən həmin tədbirlərin layihədən sonra da davam etdirilməsi təmin ediləcək.

Qeyd edək ki, bu layihə və Azərbaycan Respublikası QHT-ə Dövlət Dəstəyi Agentliyi tərəfindən maliyyələşdirilir.

Qəbələdə 23 yaşlı qız özünü GÜLLƏLƏDİQəbələnin Nohurqışlaq kəndində intihar hadisəsi baş verib.

Bu dəfə 23 yaşlı qız canına qəsd edib.

Belə ki, 1999-cu il təvəllüdlü kənd sakini Aysun Ədilova yaşadığı ünvanda ov tüfəngindən ürək nahiyəsinə atəş açaraq intihar edib. Onun hansı səbəbdən özünə qəsd etməsi hələlik məlum deyil.

Faktla bağlı cinayət işi açılıb, araşdırma aparılır.
“İnflyasiya sürətlənsə də, dövlət istiqrazlarının faizi azalır""Qlobal inflyasiya dövlət borcuna başqa istiqamətdən də təsir edir. Artan inflyasiya volatilliyi borclanma xərclərinə təzyiq göstərir və investorlar uzunmüddətli borc üçün daha yüksək “mükafat” tələb edirlər".

Bunu "Report"a müsahibəsində İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

"Məsələn, Beynəlxalq Valyuta Fondu (IMF) hesablayıb ki, inflyasiya volatilliyində standart kənarlaşmanın 1 vahid artması üç ildə hökümətin uzunmüddətli istiqrazlarının gəlirliliyini 0,5 vahid artıra bilər, eyni zamanda, dövlət borcu artdıqca bu trend də güclənir.

Azərbaycanda inflyasiyanın sürətlənməsinə baxmayaraq, dövlət istiqrazlarının nominal gəlirlilik səviyyəsi azalır: “Məsələn, ötən il üçillik istiqrazın gəlirlilik səviyyəsi apreldə 7,8 % olduğu halda, bu ilin aprelində 4,3%-ə düşüb, deməli, inflyasiyanı da nəzərə alanda real gəlirlilik faizi kəskin azalıb. Bu hal investorların dövlətə inamının artması və məhdud alternativ sərmayə imkanlarının olması deməkdir. Hətta Maliyyə Nazirliyi tərəfindən 5 illik və 7 illik istiqrazların dövriyyəyə buraxılması onu göstərir ki, investorların risk antipatiyası azalıb və daha uzunmüddətli dönəmdə dövlətə inanırlar. Daha uzun müddətə və daha aşağı real gəlirliliklə dövlət qiymətli kağızlarının emissiyası dövlət borcunun strukturunda yerli borclanmanı, özü də daha əlverişli şərtlərlə artırır. Bu yolla, dövlət borcunda xarici borcun xüsusi çəkisi azalır və məzənnə riski də daxil olmaqla, bir sıra risklər yumşalır”, - deyə o, qeyd edib.
İslam dini sülh dinidirDini radikalizm və ekstremizmə qarşı mübarizədə ən effektiv vasitələrdən biri vətənpərvərlik hissinin gücləndirilməsidir. Vətənpərvərlik hissləri yüksək olan şəxslər dini radikalizm və ekstremizmin təsirinə məruz qalmaz. Gəncləri radikal dini cərəyanların təsiri altına düşməkdən və dini radikalizmdən qorumaq, eyni zamanda, vətənpərvər ruhda tərbiyə olunmaları vacibldir. Radikalizmin və ekstremizmin təsirinə düşməyin başlıca səbəblərindən biri vətənpərvərlik hissinin zəif olmasıdır. Vətənpərvərlik hissi zəif olan insanlar cəmiyyətdə öz yerlərini tuta bilmirlər. Ona görə gənclər məlumatlandırılmalı, maarifləndirilməli, onlara vətənpərvərlik hissi aşılanmalıdır.

Bu gün İslam coğrafiyasında istər dini yaşamda, istərsə də müxtəlif sosial məsələlərdə fanatizm müşahidə olunur. Dünyada baş verən radikallıq da əslində fanatizmin bir növüdür. Bu da dinə ifrat dərəcədə yanaşmadan, dini doğru anlamamaqdan irəli gəlir. Müasir dövrdə dövlətin, dini icmaların, eləcə də cəmiyyətin hər bir fərdinin başlıca vəzifələrindən biri insanlararası münasibətlərdə dözümlülüyə nail olunması, müxtəlif din və mədəniyyətlərə mənsub insanların sülh şəraitində birgəyaşayışının təmin edilməsidir. Təbii ki, cəmiyyətdə dözümsüzlük, fanatizm, ekstremizm, bir sözlə radikallıq meyilləri baş qaldırarsa, insanlar arasında münasibətlər kəskinləşər və yeni münaqişə ocaqları yaranar. Öz məqsədlərinə çatmaq üçün dindən sui-istifadə edərək radikal qruplar yaratmaq, ekstremist çağırışlar etmək bütün dünya eyni zamanda Azərbaycan üçün təhlükəlidir. Dini radikal fikirli insanlar cəmiyyətdə mövcud olan birgəyaşayış ənənəsinə zərbə vurmaqla yanaşı, dini məlumatların öz məqsədləri üçün təhrifinə də yol verirlər. Belə ünsürlərin təsiri altına düşməmək üçün dini inanclı gənclərimiz ibadətin kimdən öyrənilməsi məsələsində çox diqqətli olmalıdırlar.

Qeyri-ənənəvi dini cərəyanların yayılmasının İslam dininə, ənənəvi dini dəyərlərə, eyni zamanda cəmiyyətimizə zərərli təsiri var. Onların milli mənəvi, ənənəvi dini dəyərlərə sadiqlik ruhunda yetişməsində, dini baxışlarının düzgün formalaşmasında müəllimlərin böyük əməyi və rolu var. İslam dinində ən üstün əməllərdən biri elm öyrənməkdir. Çünki elm insanların səadət və kamala çatma yolunu müəyyənləşdirir. Elm vasitəsilə insanlar öz gələcəklərini istədiyi formada inşa etmək imkanı əldə edir. Peyğəmbərimiz (s) buyurmuşdur: “Allah-Təala daha çox elm öyrənən insanları bəyənər”. Bu ifadə özlüyündə İslamın elm üçün heç bir sərhəd müəyyənləşdirmədiyini, elmin sonunun olmadığını göstərir. Bu baxımdan nə qədər çox elm öyrənilərsə, Allah qatında o qədər savab yazılar. Gənclərimiz də bütün bunları nəzərə alaraq bütün diqqətlərini təhsilə, elm öyrənməyə yönəltməlidirlər.

Bütün dinlər o cümlədən İslam dini də insanları daim sülhə, ədalətə, haqqa çağırır. Dini radikalizmin, din adı altında baş verən silahlı münaqişələrin əslində İslam dini ilə heç bir əlaqəsi yoxdur. İslam dini sülh dinidir. Dinimiz bütün insanları elm öyrənməyə, bir-birlərinə qarşı sevgi və ehtiram göstərməyə çağırır. Dini radikalizm kimi mənfi təzahürlərin həqiqi məqsədi İslamı parçalamaq, dinimizin təlqin etdiyi bəşəri dəyərlərə kölgə salmaqdan ibarətdir.

Müəyyən təməl dəyərlər var ki, din həmin təməl dəyərlər üzərində dayanıb. Bu dəyərlər də zamanla və ya zamana görə dəyişmir. Sadəcə insanların dinə yanaşmasında ciddi dəyişkliklərə ehtiyac var. Din adına tanınan bəzi inancların dinlə heç bir əlaqəsi yoxdur. Dindar mühafizəkar ola bilməz, çünki, din mühafizəkarlıq demək deyil. Din istənilən mənfi tendensiyanın əleyhinədir, eləcə də ilahi dəyərlərə zidd olmayan mütərəqqi milli adətləri də təqdir edir. Din yeniliyi inkar etmir və ona görə də bir orta yol tutularaq həqiqi İslam təbliğ olunmalıdır.

Dini radikalizmə, ekstremizmə, tarix boyu dini dəyərlərin təhrifinə yol açan xurafata və cəmiyyəti zülmətə sürükləyən cəhalətə səbəb olan amillərin qarşısını kəsmək, milli-mənəvi dəyərlərimizi, tolerantlıq, multikulturalizm ənənəmizi yaşadan, ailəsinə, Vətəninə faydalı, təhsilli, savadlı nəsil yetişdirmək üçün maarifləndirici tədbirlərin kəmiyyətini, keyfiyyətini və arealını artırmaq bundan sonrakı fəaliyyətimizin əsas istiqamətlərindən olmalıdır. Dini tolerantlıq mədəniyyətinin inkişaf etdirilməsi, o cümlədən dini radikalizmin, ekstremizmin qarşısının alınması sahəsində maarifləndirmənin alternativi yoxdur.

Dini Qurumlarla İş üzrə Dövlət Komitəsi tərəfindən ölkədə dini radikalizm və ekstremizmə qarşı səmərəli mübarizənin aparılması məqsədilə müxtəlif formatlarda silsilə tədbirlər həyata keçirilir. Digər aidiyyəti dövlət orqanları ilə birgə ölkədə dini ekstremizm və radikalizm meyillərinin qarşısını almaq məqsədilə ardıcıl və sistemli iş aparılır. Gənclərin dini fanatizm, radikalizm və ekstremizmə yuvarlanmamaları üçün Komitə tərəfindən "Şəhadət" və “Fitnə” adlı filmlər çəkilib. Burada aldadılaraq, yad, zərərli dini düşüncələrin təsiri ilə ölkədən kənarda qanunsuz silahlı birləşmələrə, terror təşkilatlarına qoşulan şəxslərin faciəli həyatı və torpaqlarımızın işğaldan azad edilməsi üçün aparılan mübarizədə şəhid olan qəhrəmanlarımızın şərəfli döyüş yolundan bəhs edilir. O, filmin nümayişində əsas məqsədin gəncləri dini radikalizm və onun fəsadları barədə məlumatlandırmaq, eləcə də onlara vətənpərvərlik hissinin aşılanmasıdır.

Dövlət Komitəsinin sədr müavini Səyavuş Heydərov çıxışlarının birində bildirib ki, istənilən ölkədə dini radikalizm və ekstremizmin əhatə dairəsinin genişlənməsi ictimai və milli təhlükəsizlik risklərini artıra bilər. Hətta bəzən müəyyən xarici siyasi və dini dairələrin bəzi ölkələrdə fərqli məzhəb mənsubları arasında gərginlik, qarşıdurma yaratmaq cəhdləri həmin ölkələr üçün ictimai təhlükəsizlik baxımından ciddi təhdiddir.
Məzhəbçiliyin yaratdığı fəsadlara toxunan sədr müavini vətənpərvərlik hissi zəif olan insanların yad dini ideologiyaların təsirinə daha tez məruz qaldıqlarını və cəmiyyətimiz üçün təhlükəli şəxslərə çevrildiklərini vurğulayıb. Vətənpərvərlik hissinin gücləndirilməsində milli-mənəvi dəyərlərin özünəməxsus rolu olduğunu deyən S.Heydərov qeyd edib ki, indiki dövrdə vətənpərvərlik hissinin yüksəlməsinə böyük ehtiyac var. O, Dövlət Komitəsinin dini maarifləndirmə istiqamətində həyata keçirdiyi tədbirlərdə dini fanatizm, dini radikalizm və dini ekstremizm meyillərinə qarşı mübarizə ilə yanaşı, ölkəmizdə vətənpərvər və sağlam düşüncəli gənclər yetişdirmək, onları Vətənə hədsiz məhəbbət, xalqının tarixinə, mədəniyyətinə və milli-mənəvi dəyərlərinə hörmət ruhunda tərbiyə edilməsinə xüsusi önəm verildiyini deyib.

DQİDK-nın sifarişi əsasında vətənpərvərlik mövzusunda çəkilən "Şəhadət” sənədli filmi barədə də danışan sədr müavini bildirib ki, filmdə şücaətləri nümayiş etdirilən hərbçilərimizin qəhrəmanlıqları və fədakarlıqları gənclərimiz üçün bir nümunədir. S.Heydərov diqqətə çatdırıb ki, filmdə bəhs edilən Aprel döyüşləri ölkəmizdə həmrəyliyi, birliyi və vətənpərvərliyi daha da gücləndirib. Hərb tariximizə şanlı hərflərlə yazılan, bu yaxınlarda 3-cü ildönümünü qeyd etdiyimiz Aprel döyüşlərindən sonra ordumuzun uğurları Azərbaycanın qüdrətini bir daha bütün dünyaya sübut edib.
Sədr müavini əlavə edib ki, dünyada qlobal təhlükəsizliklə bağlı çox ciddi narahatlıqların yaşandığı, terrorizmin, ekstremizmin və radikalizmin bəşəriyyəti daim təhdid altında saxladığı, həmçinin təcavüzkar Ermənistanın işğal etdiyi ərazilərdə hərbi təxribatlara ara vermədiyi bir şəraitdə Azərbaycanın daxili sabitliyinin qorunub saxlanması, cəmiyyətimizdə multikultural, tolerant ənənələrin və həmrəyliyin möhkəmlənməsi, bütün sahələrdə sabit, ahəngdar inkişafın təmin olunması böyük nailiyyətdir.

Rüstəm Cəfərov

Yazı Vətəndaş Cəmiyyəti Naminə Maarifləndirmə İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirdiyi “Dini radikalizm və ekstremizm – milli təhlükəsizliyə əsas təhdidlərdən biri kimi” layihəsi çərçivəsində hazırlanıb
Qazaxıstanlı politoloq: "Keosayana qarşı cinayət işi açılmalıdır""Erməni əsilli rusiyalı teleaparıcı Tikran Keosayanın videomüraciətində Qazaxıstan xalqı haqqındakı fikirlərinə görə cinayət işi açılmalıdır".

“Report” xəbər verir ki, bunu qazaxıstanlı politoloq Dosım Satpayev “İnstagram” səhifəsində yazıb:

“Eynilə bu yaxınlarda Azərbaycanın rusiyalı deputat Mixail Delyaginə qarşı cinayət işi açdığı kimi, onun da barəsində cinayət işi başlanmalıdır”.

O, Rusiyanın təbliğat kanallarının Qazaxıstanda yayımının ölkənin təhlükəsizliyində nəhəng boşluqlara, cəmiyyətdə parçalanmanın artmasına gətirib çıxardığını qeyd edib.

Politoloq Qazaxıstanın siyasətinin artıq Rusiyadan fərqli olduğunu da bildirib.
"Söyüş ritorikası siyasətlə məşğul olan insanlarımızı siyasi məhvə doğru aparır"Hüquqi mədəniyyət, sivil davranış və ədəb-əxlaq qaydalarına uyğun ritorika. Bax, bu üç prinsip cəmiyyət olaraq gündəlik həyatımızda hamımız üçün adi yaşam normalarına çevrilməlidir. Nə məmur-vətəndaş münasibətlərində, nə siyasi liderlər arasında, nədəki vətəndaşların bir-birilə təmaslarında dərəbəylik, qoluzorluluq, harınlıq, tərbiyəsizlik və küçə əxlaqına qətiyyən yer olmamalıdır.

Məmur öz vəzifə səlahiyyətlərindən istifadə edib vətəndaşın üzərinə gəlməməli, onu əzməyə, aşağılamağa çalışmamalıdır. Siyasi partiya sədrləri, QHT rəhbərləri, ictimai fəallar da debatlarda, tədbirlərdə, kütləvi akziyalar zamanı və ələlxüsus da canlı efirdə çıxış edərkən etik çərçivələri mütləq gözləməli, söyüş ritorikasından istifadə etməməlidirlər.

Heç kimin bir başqasını küçə söyüşləri ilə təhqir etməyə ixtiyarı yoxdur. Heç kim ictimai məkanlarda özünü qoçu zənn edib digər(lər)inin şərəf və ləyaqətini alçaltmamalıdır. Bunu istər yazılmış qanunlarımız, istərsə də yazılmamış qanunlarımız, örf və adətlərimiz hər birimizdən tələb edir.

Ancaq əfsuslar olsun ki, bu son günlərdə yaşanan iki xoşagəlməz hadisə söyüş ritorikasının hələ də cəmiyyətimizin gündəlik həyatında və leksikonunda öz hökmranlığını qoruyub saxladığını göstərdi. Belə ki, əvvəlcə paytaxt küçələrindən birində motosiklet sürən bir gənc yaşlı məmur tərəfindən döyülüb təhqir edildi və bu olay cəmiyyətimizdə geniş rezonans doğurdu, məmurun harınlığı haqlı olaraq qınanıldı.

Daha sonra isə "AzerFreedom TV" adlı Yutub kanalının efirində Qurban Məmmədovla İqbal Ağazadənin başdan-başa söyüşdən, təhqirdən ibarət olan telefon söhbətinin yayımlanması cəmiyyətdə şok effekti yaratdı. Siyasətçilərin öz aralarındakı bu cür söyüşləri, savaşları onların xalq arasındakı nüfuzuna sarsıdıcı zərbə endirir. Ümumiyyətlə, söyüş ritorikası siyasətlə məşğul olan insanlarımızı siyasi məhvə doğru aparır.

Siyasi qüvvələr, siyasi liderlər sağlam siyasi münasibətlərə üstünlük verməlidirlər. Biz partiya sədrləri hansısa açıqlamalarımıza görə, bu və ya digər taktiki addımlarımıza görə bir-birimizi tənqid edə bilərik. Bu normaldır. Ancaq qarşılıqlı təhqirlərə isə heç bir halda yol verməməliyik. Çünki bizim hər sözümüz, hər bir hərəkətimiz cəmiyyətdə yaxşı və ya pis mənada örnək olur. Odur ki, biz ölkənin ictimai-siyasi mühitinə söyüş ritorikasından uzaq yeni siyasi mədəniyyət gətirməliyik.

Əlisahib Hüseynov,
Milli Həmrəylik Partiyasının sədri