BAXCP Əbülfəz Elçibəyin məzarını ziyarət edib
Dərc olunub:
22-08-2022, 15:07
Avqustun 22-də Bütöv Azərbaycan Xalq Cəbhəsi Partiyası (BAXCP) İdarə Heyətinin üzvləri milli-azadlıq hərəkatının lideri, eks-prezident Əbülfəz Elçibəyin məzarını ziyarət ediblər.
Partiyanın mətbuat xidmətinin məlumatına görə, Fəxri Xiyabanda Əbülfəz Elçibəyin vəfatının ildönümü ilə bağlı keçirilən tədbirdə BAXCP sədri, millət vəkili Qüdrət Həsənquliyev Elçibəyin Azərbaycan istiqalal mücadiləsində oynadığı mühüm roldan danışıb.
O, Əbülfəz Elçibəyin xalqını, millətini, dövlətini və vətənini təmənnasız sevən, Azərbaycan siyasətinə təmizlik və dürüstlük gətirən siyasət adamı olduğunu deyib. BAXCP sədri qeyd edib ki, milli azadlıq hərəkatının lideri Əbülfəz Elçibəyin xatirəsi hər zaman əziz tutulacaq və ehtiramla anılacaq.
