Putin Aşqabada gəldi - İlham Əliyevlə də görüşəcək

Putin Aşqabada gəldi - İlham Əliyevlə də görüşəcəkRusiya prezidenti Vladimir Putin Xəzər sammitində iştirak etmək üçün Türkmənistanın paytaxtına uçub.

Ria Novosti xəbər verir ki, bir gün əvvəl Tacikistanda olan Putin orada dövlət başçısı Emomali Rəhmonla danışıqlarda iştirak edib.

 Putin Aşqabadda altıncı Xəzər sammitində iştirak edəcək. Rusiya tərəfi gözləyir ki, sammitdən sonra iştirakçı ölkələrin liderləri regionda əməkdaşlığın inkişaf etdirilməsi ilə bağlı razılaşdırılmış mövqelər haqqında kommünike qəbul edəcəklər.

Bunu Rusiya prezidentinin köməkçisi Yuri Uşakov bir müddət əvvəl jurnalistlərə bildirib.
 Sammit çərçivəsində Putin bir sıra ikitərəfli görüşlər də keçirəcək. Belə ki, dövlət başçısı şəxsi söhbət zamanı Türkmənistanın eks-prezidenti, ölkə parlamentinin yuxarı palatasının sədri Qurbanqulu Berdiməhəmmədovu 65 illik yubileyi münasibətilə təbrik edəcək.

Putinin Türkmənistanın hazırkı prezidenti Serdar Berdiməhəmmədov, Azərbaycan prezidenti İlham Əliyev və İran prezidenti İbrahim Rəisi ilə də görüşləri gözlənilir.