Türkiyə Qafqazlara geri dönüb
Türkiyə uzun müddət Qafqazlardan çəkilib. Əlbəttə ki, buna tarixi şərait əngəl olub. Ancaq indi Türkiyə Qafqazlara geri dönmüş oldu. Bu geri dönüşə Azərbaycan vasitəçi oldu. Azərbaycan postmüharibə dövründə siyasi arenada önəmli nüfuz qazandı. Xüsusilə də, ikinci Qarabağ müharibəsindən sonra Cənabubi Qafqazda ən güclü dövlət çevrildi.
Bunu "Xalq Cəbhəsi"nə politoloq Elman Vəliyev deyib.
Politoloqun fikrincə, Rusiya Osmanlının Qafqazlarda olmasına əngəl törədib və bunu Türkiyə Cümhuriyyətinə də tətbiq edib: "Lakin Azərbaycan Türkiyə ilə Şuşa müttəfiqlik bəyannaməsini imzaladıqdan, 1921-ci ilin Qars müqaviləsini yenidən təzələdikdən sonra Türkiyə bölgədə mühüm mövqe tutdu. Qarabağda yenidənqurmaq işlərində birinci sırada Türkiyə şirkətləri dayanacaq. Həmçinin müharibədən sonra Ermənistanın da Türkiyə ilə diplomatik danışıqları bərpa etməsi Türkiyənin daha da irəlilədiyini göstərir. Bölgənin spesifikliyi onun strateji mövqeyindədir və bu mövqedə birinci yerdə Azərbaycan dayanır. Türkiyə Ermənistanla sərhədləri açmaq səviyyəsinə qədər gələcək. Türkiyə Ermənistana "öz ərazisindən" Azərbaycana yol verməsini də diktə edəcək. Ermənistan üçün destruktivlik özündən başqasına xələl gətirə bilməz".
