"Nüvə silahından imtina etmək qərarına gəldik"

İranın ali dini lideri Ayətullah Əli Xamenei bildirib ki, Tehranın nüvə silahına ehtiyacı yoxdur və ondan istifadə etməyə də ehtiyac görmür.

Avrasiya.net "Unikal"a istinadən xəbər verir ki, Xameneinin sözlərinə görə, Tehran uranı zənginləşdirmək hüququ ilə bağlı xarici təzyiqlərə boyun əyməyəcək.

“Bizim belə silahlara ehtiyacımız yoxdur, biz onlardan imtina etmək qərarına gəldik. ABŞ hökuməti ilə danışıqlar heç bir şəkildə İranın milli maraqlarını irəli sürməyəcək, bizə heç bir fayda verməyəcək və bizi heç bir zərərdən qoruya bilməyəcək. Hazırkı şəraitdə ABŞ-la danışıqlar İrana düzəlməz ziyan vuracaq", - deyə İranin ali dini lideri vurğulayıb.