"İran istənilən müharibəyə tam hazırdır"

Avrasiya.net xəbər verir ki, bunu jurnalistlərə açıqlamasında xarici işlər naziri Abbas Əraqçi deyib.

"Biz istənilən ssenariyə, istənilən vəziyyətə hazırıq, Silahlı Qüvvələrimiz tam və 100% hazırdır, onlar bütün lazımi məqsədləri müəyyənləşdiriblər", - deyə İranın xarici işlər naziri bildirib.

Əraqçi əmin edib ki, Tehran müharibə və Yaxın Şərqdə gərginliyi artırmaq istəmir. Bununla belə, o əlavə edib ki, İran müharibədən qorxmur.

Bundan əvvəl Mərkəzi Kəşfiyyat İdarəsinin direktoru Uilyam Börns bölgədə eskalasiyanın yaxın həftələrdə İsrail və İran arasında müharibə ilə nəticələnə biləcəyi barədə xəbərdarlıq etmişdi.