"Sülh müqaviləsinin bağlanması üçün real imkan var"
Dərc olunub:
Bu gün, 14:42
Ermənistanın xarici işlər naziri Ararat Mirzoyan BMT Baş Assambleyası çərçivəsində Almaniya Federativ Respublikasının xarici işlər naziri Analena Barbok ilə görüşüb.
Avrasiya.net Modern.az-a istinadən xəbər verir ki, Ermənistan Xarici İşlər Nazirliyinin yaydığı məlumata görə, həmsöhbətlər qarşılıqlı maraq doğuran geniş spektrli məsələləri, ikitərəfli gündəliyi, Ermənistan-Avropa İttifaqı tərəfdaşlığının dərinləşdirilməsini və regional mövzuları müzakirə ediblər.
Cənubi Qafqazda təhlükəsizlik vəziyyəti kontekstində Ermənistan-Azərbaycan münasibətlərinin normallaşması prosesində baş verən son hadisələrə dair fikir mübadiləsi aparılıb. Ararat Mirzoyan vurğulayıb ki, hazırda sülh müqaviləsinin bağlanması üçün real imkan var.
