Qərb hələ də Putin təhlükəsini dərk etmir - Landsbergis
Dərc olunub:
24-08-2024, 11:10
Qərb hələ də Vladimir Putinin yaratdığı təhlükənin tam miqyasını dərk etmir və Ukraynaya Rusiya qüvvələrini məğlub etmək üçün yetərincə kömək etmir.
Axar.az xəbər verir ki, bunu Sovet İttifaqı dövründə Baltikyanı ölkələrin müstəqilliyi uğrunda gedən müharibənin qəhrəmanlarından biri Vitautas Landsbergis deyib.
O bildirib ki, Almaniya tarixi Avropanı Putinin təcavüzündən qorumaq üçün xüsusi məsuliyyət daşıyır:
"Lakin Almaniya kansleri Olaf Şolts bu vəzifənin öhdəsindən gəlmir. O, çox güman ki, Rusiyanı dayandırmaq lazım olduğunu başa düşür. Lakin o, Putini həqiqətən dayandırmaq üçün kifayət qədər iş görmür, bu da onu qatilin xəbərsiz köməkçisinə çevirir".
