Ermənistanın Milli Qəhrəmanı həbs edilib

Ermənistanda Milli Qəhrəman adına layiq görülən general-mayor Andranik Piloyan həbs edilib.

Bu barədə erməni KİV məlumat yayıb.

Ona qarşı cinayət işi Korrupsiyaya Qarşı Mübarizə Məhkəməsinin yekun mərhələsindədir.

Tərəflər müdafiə çıxışı edir və məhkəmə yaxın vaxtlarda qərar verəcək.

Qeyd edək ki, 20 oktyabr 2020-ci ildə Baş nazir Nikol Paşinyan Silahlı Qüvvələrin 5-ci Ordu Korpusunun komandiri, general-mayor Andranik Piloyana Milli Qəhrəman adı verib.

O, bu addan 2 il sonra rüşvətdə və vəzifələrindən sui-istifadə etməkdə ittiham edilərək həbs olunub.