İranda prezident seçkilərinin ikinci turu başladı - Xamenei səs verdi

İranda növbədənkənar prezident seçkilərinin ikinci turu başlayıb.

Avrasiya.net xəbər verir ki, seçkilərin ikinci turunda islahatçı namizəd Məsud Pezeşkian və mühafizəkar namizəd Səid Cəlili mübarizə aparır.

"Tasnim”in məlumatına görə, İranın Ali Rəhbəri Seyid Əli Xamenei prezident seçkilərinin ikinci turunda səs verib.

Qeyd edək ki, birinci turda 42,6 faiz səslə Məsud Pezeşkian liderlik edirdi.

Ölkədə seçkilərin nəticələrinin iyulun 6-da məlum olacağı gözlənilir.

Xatırladaq ki, İran Prezidenti İbrahim Rəisinin mayın 19-da helikopter qəzasında həlak olmasından sonra ölkədə növbədənkənar prezident seçkilər elan olunub.