Ermənistan hökuməti İranla Avrasiya İttifaqı arasındakı sazişi təsdiqlədi

Ermənistan Nazirlər Kabineti Avrasiya İqtisadi İttifaqı və İran arasında azad ticarət sazişinin ratifikasiyasını təsdiqləyib.

Bu barədə "Sputnik Armenia" məlumat yayıb.

Qeyd edək ki, ötən ilin yanvarında İran və Avrasiya İqtisadi İttifaqı (Aİİ) arasında azad ticarət sazişi imzalanıb. Sənədin imzalanması mərasimində İranın sənaye, mədən və ticarət nazirinin müavini, respublikanın Ticarətin İnkişafı Təşkilatının rəhbəri Əlireza Peyman Pak və Aİİ nümayəndə heyətinin üzvləri iştirak ediblər.