"Bizi qorxuda bilməzsiniz!" — Tələbələr Marşı elan edildi
Dərc olunub:
13-05-2024, 13:20
Bu gün axşam saat 19:00 tələbələr Tbilisinin Rustaveli metro stansiyasında toplaşaraq "Rus qanunu yox!" adlı etiraz yürüşü təşkil edəcəklər.
Bu barədə "Tələbələr marşı" elan edilib.
Bildirilib ki, tələbələrin yürüşü Rustaveli metro stansiyasından başlayacaq və Parlamentin önündə etiraz aksiyası ilə davam edəcək.
"Gürcü tələbə/gənclər, biz Gürcüstanın ruslaşdırılmasına yol verməyəcəyik, dostlarımıza və ya ölkə vətəndaşlarına zorakılıqla hücum etdiyiniz üçün sizi bağışlamayacağıq!! Cavab yenə də eynidir - bizi qorxuda bilməzsiniz!” , - qeyd olunub.
Məlumat üçün bildirək ki, Tbilisidəki ali təhsil ocaqlarının əksəriyyətinin professor və müəllimləri, eləcə də tələbələri etirazlara qoşulduqlarını və tətil elan etdiklərini bildiriblər.
