İrəvanda 88 nəfər həbs edilib

Ermənistanda hakimiyyətə qarşı etiraz aksiyaları davam edir.

Ermənistan KİV xəbər verir ki, İrəvanda itaətsizlik aktları nəticəsində polis 88 vətəndaşı həbs edib.

Bu gün səhər saatlarından paytaxtda itaətsizlik aksiyaları yenidən başlayıb.

Etiraz aksiyalarına rəhbərlik edən keşiş Baqrat Qalstanyan deyib ki, bütün ermənilərin katalikosu II Qareginin xeyir-duası, Allahın iradəsi və xalqın istəkləri ilə istənilən məsuliyyəti öz üzərimə götürməyə hazırdı.

“Ancaq hüquq müstəvisində müzakirəyə ehtiyacı olan məsələlər var ki, onlar iki gün ərzində dəqiqləşdirilərək sizə təqdim olunacaq. Bu məsələlər də bütün siyasi qüvvələrlə müzakirə olunmalıdır, mən bunu yaxın vaxtlarda, heç bir ayrı-seçkilik olmadan edəcəyəm”, - deyə o əlavə edib.