"Türkiyə və Azərbaycanla düşmənçiliyə son qoymaq istəyirik!"
Baş nazir Nikol Paşinyan Ermənistanın regiondakı siyasətindən danışıb.
Baş naziri bugünkü mətbuat konfransında belə deyib:
“Bizim prioritetlər belədir: Gürcüstan və İranla mehriban qonşuluğu dərinləşdirmək və inkişaf etdirmək, Türkiyə və Azərbaycanla düşmənçiliyi idarə etmək, azaltmaq, aradan qaldırmaq, regional nəqliyyat inteqrasiyası, iqtisadi əlaqələrin qurulması, dərinləşdirilməsi və inkişafı”.
Baş nazirin sözlərinə görə, Erməniqtan hökuməti xarici əlaqələrin şaxələndirilməsi, orduda islahatların aparılması, hərtərəfli təhlükəsizlik və müdafiə sisteminin tətbiqni nəzərdə tuturuq.
“Və bütün bunlar legitimliyə əsaslanmalıdır. Məhz iqtisadi inkişafla bütün bu tezislərin həyata keçirilməsi mümkündür”, - deyən Paşinyan bütün bunlar üçün sülhün zəruri olduğunu bildirib.
“Yalnız sülh Ermənistanın təhlükəsizliyinə təminat verə bilər. Biz sülh gündəliyini ölkənin təhlükəsizliyinin təmin edilməsi vasitəsi kimi qəbul etmişik və onu təhlükəsizlik təminatı sistemi kimi həyata keçiririk. Tavuş bölgəsində quraşdırılan sərhəd dirəkləri Ermənistanın təhlükəsizliyini təmin edən sütunlardır. Biz bu sütunların sayını artırmaq üçün hər şeyi edəcəyik”, - deyə hökumətinin başçısı vurğulayıb.
