"Heç vaxt ABŞ-ın arxasınca qaçmamışıq"

ABŞ administrasiyası bu gün Rusiya ilə terrorizmlə mübarizədə fəal əməkdaşlığa hazır deyil.

Bunu Rusiyanın ABŞ-dakı səfiri Anatoli Antonov Birinci Kanalda “Böyük oyun” verilişinin efirində deyib.

"Rəsmi Vaşinqtonun reaksiyası bir məsələyə köklənir: bizim xüsusi xidmət orqanları vasitəsilə məlumat mübadiləsi üçün məxfi kanallarımız var idi, bu kanallar fəaliyyətini davam etdirir, informasiya mübadiləsi davam edəcək. Amma bu gün bu administrasiya terrorizmə qarşı mübarizədəilə Rusiya ilə aktiv qarşılıqlı fəaliyyətə hazır deyil. ”, - deyə o, Crocus City Hall-a hücumun Vaşinqton və Moskvanın birgə işinə təkan olub-olmadığı sualına cavab verərək bildirib.

Eyni zamanda, Antonov terrorizmlə mübarizədə ümumi səylərə ehtiyac olduğunu vurğulayıb. “Ancaq vurğulamaq istəyirəm ki, düzgün başa düşülsün, biz heç vaxt Amerika Birləşmiş Ştatlarının arxasınca qaçmamışıq, heç bir yardım üçün yalvarmamışıq, biz də amerikalılar qədər ABŞ-la belə qarşılıqlı əlaqədə maraqlıyıq”, - səfir bildirib.