"Ukrayna Rusiya ilə münaqişədə qalib gələ bilməyəcək"
Dərc olunub:
13-02-2024, 12:41
Ukrayna Qərb dövlətlərinin köməyi ilə belə, münaqişədə üstünlüyü əldə edə bilməyəcək.
Bu fikri amerikalı jurnalist Taker Karlson deyib.
"Ukrayna Rusiya ilə münaqişədə qalib gələ bilməyəcək; Ukrayna ordusu Qərbin yüz milyardlarla dollar dəstəyi olsa belə, Rusiya ordusunu Şərqi Ukraynanın regionlarından sıxışdırıb çıxara bilməyəcək. Ukraynanın sənaye potensialı yoxdur. Necə ki, nə NATO, nə də ABŞ-da buna sahib deyil”, - o bildirib.
Müvafiq video jurnalistin X (keçmiş Twitter) səhifəsində yerləşdirilib.
"Və onun əhalisi yoxdur. Bu o deməkdir ki, Qərbin Ukrayna ordusuna gələcək dəstəyi yalnız daha çox ukraynalının ölməsi və ABŞ-da, xüsusən də Almaniyada Qərb iqtisadiyyatının daha da deqradasiyası demək olacaq”, o əlavə edib.