Türkiyədə zəlzələ bölgəsində 2 ayda 75 min ev təhvil veriləcək
Dərc olunub:
3-02-2024, 20:32
Türkiyədə zəlzələ baş vermiş ərazilərdə fevralın ilk 10 günündə 45 min 901 ev üçün püşkatma olacaq.
Avrasiya.net xəbər verir ki, bu barədə “TRT Xəbər” məlumat yayıb.
Məlumata görə, zəlzələ bölgəsində 2 ayda 75 min, ilin sonuna qədər isə 200 min ev təhvil veriləcək.
Zəlzələlərdən təsirlənən 11 şəhərdə aparılan hesablamalara görə, 680 mini yaşayış və 170 min iş yeri olmaqla cəmi 850 min tikinti ciddi ziyan görərək istifadəyə yararsız hala düşüb. Əsrin fəlakətinin orta dəyəri isə 104 milyard dollar olaraq təyin olunub.
