ADİİM və Avrasiya.net-in təmsilçisi Trabzonda Tatarla görüşüb

Azərbaycan Demokratik İslahatların İnkişafı Mərkəzi İctimai Birliyinin, Avrasiya.net saytının Qara dəniz bölgəsi üzrə təmsilçisi Elnur Bağırov Şimali Kipr Türk Respublikasının Prezidenti Ersin Tatarla görüşüb.

E.Bağırov Azərbaycanın həmişə Şimali Kipr Türk Respublikasının yanında olduğunu və iki respublika arasında dostluq və qardaşlıq münasibətlərinin möhkəmlənməsində media və QHT sektorunun da rolundan bəhs edib.

Onu da qeyd edək ki, E.Tatar Qara dəniz Texniki Universitetdə fəxri ada layiq görülüb.

Onun şərəfinə rəsmi şam yeməyi verilib.

Həm təltif mərasimində, həm də şam yeməyində rəsmi qonaqlarla yanaşı Elnur Bağırov da iştirak edib.