Qırğızıstan qar bəbirini milli rəmzi elan etdi
Dərc olunub:
30-12-2023, 14:37
Qar bəbiri rəsmi olaraq Qırğızıstanın milli rəmzi elan edilib.
Avrasiya.net xəbər verir ki, bu barədə Qırğızıstan Prezidentinin Mətbuat Xidməti məlumat yayıb.
“Qırğızıstan Prezidenti Sadır Japarov “Qar bəbirinin Qırğızıstan Respublikasının milli rəmzi kimi tanınması haqqında” fərman imzalayıb. Fərmanda Nazirlər Kabinetinə Qırğızıstanda qar bəbirinin milli rəmzinin statusunun tanınması, eləcə də onun sayının mühafizəsi ilə bağlı zəruri tədbirlərin görülməsi tapşırılıb”, - məlumatda qeyd olunub.
Bildirilib ki, qar bəbiri Beynəlxalq Təbiəti Mühafizə İttifaqının Qırmızı Siyahısına daxil edilib və 12 ölkədə nadir və ya nəsli kəsilməkdə olan növ statusuna malikdir.
