“Putin 2024-cü ildə sürprizlərə hazır olmalıdır”

Ukrayna Təhlükəsizlik Xidməti gələn il kəşfiyyat əməliyyatlarını gücləndirməyi qarşısına məqsəd qoyub.

Xarici mətbuat bildirir ki, Ukrayna hərbçiləri müharibəni mümkün qədər Kremlə yaxınlaşdırmaq istəyiblər.

UTX sədri Vasyl Maliuk deyib: "Biz planlarımızı açıqlaya bilmərik. Onlar düşmən üçün şok olaraq qalmalıdırlar. Biz sürprizlər hazırlayırıq”.

Rusiyaya müraciət edən Maliuk "Politico" jurnalına "İşğalçılar başa düşməlidirlər ki, gizlənmək mümkün olmayacaq. Düşməni hər yerdə tapacağıq",-deyib.

Maliuk təfərrüat verməkdən çəkinsə də, bəzi ipuçları verib. Bildirilir ki, Rusiyanın Ukrayna ərazisindəki logistik hədəfləri və hərbi aktivləri diqqət mərkəzində olacaq.

Maliukun sözlərinə görə, Ukrayna Təhlükəsizlik Xidməti əməliyyatlarının əksəriyyətini Donbas, Krım və Qara dənizdə həyata keçirir.