Ermənistanda su və ərzaq qıtlığı - Mətbuat

Ermənistan Baş naziri Nikol Paşinyanın rəhbərliyi ilə Təhlükəsizlik Şurasının iclası keçirilib. İclasda digər məsələlərlə yanaşı Ermənistanda ərzaq təhlükəsizliyinin təmin edilməsi ilə bağlı məsələlər də müzakirə olunub.

Avrasiya.net xəbər verir ki, "Hraparak" qəzeti Ermənistanda ərzaq təhlükəsizliyi məsələsinin, xüsusilə taxılla bağlı çatışmazlıqların rəsmi dairələrdə narahatlıqla müzakirə olunduğunu yazıb.

Məlumata görə, ötən illə müqayisədə bu il Ermənistanda təxminən 30 faiz az buğda istehsal edilib.

Nəşr yazır ki, dövlətin buğda çatışmazlığı ilə bağlı strategiyası yoxdur, yanacaq və ya gübrə ilə bağlı subsidiyalar verilmir. Qeyd olunur ki, bu kimi problemlər əkin sahələrinin əhəmiyyətli dərəcədə azalmasına səbəb olub.

“Joğovurd” qəzetində dərc edilən məqalədə isə bildirilir ki, Qarabağı itirdikdən sonra Ermənistan böyük su mənbələrindən məhrum olub.

Nəşr qeyd edib ki, Ermənistanın su fondunu təmin edən mənbələrin bir hissəsi azalıb: "Balıq istehsalçılarının balıq təsərrüfatlarını bağlamaq məcburiyyətində qalmasının səbəbi də budur”.