Kiprdə terrora hazırlaşan iki iranlı həbs edildi
Dərc olunub:
11-12-2023, 13:54
Cənubi Kiprdə israillilərə qarşı terror planı hazırlayan iki iranlı həbs edilib.
Bu barədə Kipr mediası məlumat yayıb.
İsrailin Baş naziri Benyamin Netanyahunun Ofisi bəyanat yayaraq, iranlı terrorçuların həbsində MOSSAD-ın Kipr polisinə dəstək verdiyini bildirib.
Adları açıqlanmayan iranlıların siyasi mühacir və SEPAH-a bağlı şəxslə əlaqədə olduqları vurğulanıb.
Qeyd edək ki, bundan əvvəl də Kiprdə bir neçə iranlı və SEPAH-a bağlı şəxslər İsrail vətəndaşlarına qarşı terror hazırlamaq ittihamına görə saxlanılıblar.
