Paşinyan niyə növbədənkənar seçkiyə GEDİR...

Ermənistanın Baş naziri Nikol Paşinyan növbədənkənar parlament seçkiləri barədə qərarını qətiləşdirməyə hazırlaşır. Modern.az xəbər verir ki, Ermənistan KİV-nin məlumatına görə, növbədənkənar seçki tələbinin Qərbdən gəldiyi barədə rəsmi dairələrdə məlumatlar dolaşır.

Qeyri-rəsçi məlumatlara görə, Nikol Paşinyan bu yaxınlarda qapalı partiya toplantılarının birində fövqəladə vəziyyət mövzusuna toxunub, gələn il seçkilərin keçirilə biləcəyini istisna etməyib.

Yerli KİV-lərin yazdığına görə, Paşinyan anlayır ki, zaman iqtidarın əleyhinə işləyir: bir tərəfdən hakim “Vətəndaş müqaviləsi” partiyası nüfuzdan düşür, digər tərəfdən yeni müxalifət qüvvəsinin formalaşdırılma ehtimalı artır, ona görə də Baş nazir müxalifəti təəccübləndirmək qərarına gəlib.

Mətbuat qeyd edir ki, növbədənkənar seçki tələbindən belə çıxır ki, Qərb Paşinyandan “sadiqlik andı” istəyir ki, Ermənistan tez bir zamanda Rusiyadan qoparaq Avropaya inteqrasiya etsin.

“Paşinyanın vədləri əvəzinə Qərb gözləyir ki, yeni seçkilər vasitəsilə anti-Rusiya parlamenti formalaşacaq, orada Aram Zaven Sarkisyan və digər qərbpərəstlər mütləq iştirak edəcək və bugünkü parlament müxalifəti açıq-aşkar rusiyapərəst olacaq”.