Türkiyədəki səfirimiz Eskişəhirdə çıxış edib
Eskişəhirdə Anadolu Universitetin ev sahibliyi, Eskişəhir Azərbaycanlılar Dərnəyi, Anadolu Universiteti Heydər Əliyev Uygulama və Araşdırma Mərkəzi və Azərbaycan Respublikası Ankara Səfirliyi işbirliyiylə “Şuşa Bəyannaməsinin Türkiyə Azərbaycan əlaqələrinə yansıması" haqqında Səfir Dr. Rəşad Məmmədovun çıxışı olub.
Eskişəhir Azərbaycanlılar Dərnəyi sədri Cavid Aydın, Azərbaycan Təhsil Nazirliyi Türkiyə Müşaviri Nəcibə xanım Nəsibova və Səfir Dr. Rəşad Məmmədov Eskişəhir Valisi Hüseyn Aksoy bəyi ziyarət ediblər.
Heyət daha sonra Anadolu Universiteti rektoru Prof.Dr. Fuat Erdal bəyi ziyarət edərək birlikdə Heyder Əliyev Uygulama ve Araşdırma Mərkəzinə keçdilər. Mərkəzə cənab səfir tərəfindən Şuşa haqqında nəşr edilən kitabları təqdim edib
Tədbirin başlanğıcında Atatürk və şəhidlər bir dəqiqəlik sükutla yad edildi. Daha sonra Türkiyə İstiqlal Marşı və Azərbaycan himnləri oxunub.
Açılışda Anadolu Universiteti Rektoru Prof. Dr. Fuat Erdal, Heydər Əliyev Mərkəzi müdürü Prof. Dr. Burhan Sayılır və Eskişehir Azərbaycanlılar Dərnəyinin sədri Uzm.Ecz. Cavid Aydın çıxış etdi. Rəsmi nitqlər sonrası Cənab Səfir Dr. Rəşad Məmmədov Türkiyə Azərbaycan əlaqələrinin tarixi, Qarabağ Zəfəri və Şuşa bəyannaməsiylə bağlı inkişafı haqqında çıxış etdi və sualları cavabladı. Tədbirdə Azərbaycanlı tələbələrdən Fidan Huseynli Zəfər şeirini səsləndirdi.
Proqramın sonunda Dərnəyin Qadın qolu rəhbəri və opera sənətçisi Fidan Hüseynova Azərbaycan mahnıları səsləndirdi və cənab səfirə hədiyə təqdim edilib.
