Nazarbayevin qardaşı vəfat etdi
Dərc olunub:
13-11-2023, 10:51
Qazaxıstanın keçmiş prezidenti Nursultan Nazarbayevin kiçik qardaşı, biznesmen Bolat Nazarbayev 71 yaşında vəfat edib.
Bu barədə Qazaxıstan mətbuatı məlumat yayıb.
“Saat 09:28-də (Bakı vaxtı ilə 07:28) ürəyin fəaliyyəti dayanıb. Təxminən 23 dəqiqə reanimasiya tədbirləri görülsə də, heç bir nəticəsi olmayıb”, - məlumatda qeyd olunub.
Qeyd edək ki, noyabrın əvvəlində Bolat Nazarbayev təkrar infarkt səbəbindən Almatıdakı Mərkəzi Kliniki Xəstəxanaya yerləşdirilmişdi.
