Ermənistan Rusiyaya nota verdi
Dərc olunub:
24-10-2023, 21:14
Ermənistan Xarici İşlər Nazirliyi Rusiyanın İrəvandakı səfirinə “Birinci Kanal”da yayımlanan televiziya proqramına görə etiraz notası təqdim edib.
Bu barədə Ermənistan XİN-in məlumatında deyilir.
“Oktyabrın 23-də “Birinci Kanal”da Ermənistanın yüksək vəzifəli şəxslərinə qarşı təhqiramiz və tamamilə qəbuledilməz bəyanatların səsləndirilməsi ilə əlaqədar Rusiya səfiri Sergey Kopırkin Ermənistan Xarici İşlər Nazirliyinə çağırılıb. Görüş zamanı səfirə müvafiq etiraz notası verilib”, - məlumatda bildirilir.
