Ermənistan NATO-ya qoşulmaq istəyir?
NATO Ermənistanın bloka qoşulmasını nəzərdən keçirmir, İrəvan isə üzvlük üçün ərizə təqdim etməyib.
Bu barədə “İzvestiya” qəzetinə Şimali Atlantika Alyansının adı açıqlanmayan nümayəndəsi məlumat verib.
Sentyabrın 4-də NATO-nun Genişlənmə üzrə Avropa Komitəsinin sədri Günter Fehlinger Ermənistanı alyansa qoşulmağa çağırıb .
“Fehlingerin NATO ilə rəsmi əlaqəsi yoxdur. O, NATO əməkdaşı deyil, onun fikirləri özünə məxsusdur və alyansın fikirlərini əks etdirmir. NATO-nun Genişlənməsi üzrə Avropa Komitəsi isə adına baxmayaraq, alyansın komitəsi və ya orqanı deyil”, - alyansın nümayəndəsi bildirib.
Ermənistan xarici işlər nazirinin müavini Vahan Kostanyan Fehlingerin sözlərini şərh edərkən qeyd edib ki, Ermənistan artıq NATO ilə qarşılıqlı əlaqədədir və əməkdaşlığı davam etdirməyə hazırdır. Rusiya Federasiyası xarici işlər nazirinin müavini Aleksandr Qruşko Ermənistanın NATO-ya daxil olması müzakirəsini böyük fantaziya adlandırıb.