Putin Ukrayna ilə dialoq şərtini açıqladı
Əgər ABŞ Ukraynanın danışıqlara hazır olduğuna inanırsa, o zaman Kiyevdən Rusiya Federasiyası ilə danışıqları qadağan edən fərmanı ləğv etməyi tələb etsin.
Axar.az xəbər verir ki, bu sözləri Rusiya lideri Vladimir Putin Şərq İqtisadi Forumunda bildirib.
Rusiya prezidentinin sözlərinə görə, bu, dialoqa başlamaq üçün ilk addım olacaq:
“ABŞ Dövlət katibi Entoni Blinken Ukraynanın hazır olduğunu deyir. Yaxşı, onda qoy əvvəlcə bu fərman ləğv edilsin, bu, birinci addımdır”, - Rusiya prezidenti vurğulayıb.
Putin həmçinin qeyd edib ki, Ukrayna əks-hücum keçirdikcə, Rusiya döyüşü dayandıra bilməz.
Dövlət başçısı həmçinin etiraf edib ki, Ukrayna danışıqlara yalnız resursları artırmaq üçün başlaya bilər. Bundan əlavə, onun fikrincə, ola bilsin ki, Qərb kuratorları Kiyev rejimini “mümkün qədər çox əraziləri qoparmaq” üçün dialoqa başlamağa məcbur edirlər.
