Türkiyədə ağır yol qəzası olub, 6 nəfər ölüb, 43 nəfər yaralanıb
Dərc olunub:
2-09-2023, 08:25
Türkiyənin Dənizli şəhərinin Honaz rayonunda idarəetmədən çıxan yük avtomobili (TIR) qarşı tərəfə keçərək sərnişin avtobusu ilə toqquşub.
Bu barədə İHA məlumat yayıb.
Bildirilib ki, yerli vaxtla saat 05:00-da (Bakı vaxtı ilə 06:00) baş verən hadisədə 6 nəfər ölüb, 43 nəfər yaralanıb.
Qeyd olunub ki, zərbənin gücündən hər iki nəqliyyat vasitəsi yoldan çıxaraq aşıb.
