Ukraynada iki azərbaycanlı HƏLAK OLDU
Dərc olunub:
16-08-2023, 11:42
Ukraynada gedən müharibədə əslən Zərdab rayonunun Məmmədqasımlı kəndindən olan 1992-ci il təvəllüdlü Orxan Mahir oğlu Əzizli və 1995-ci il təvəllüdlü Ramiz Abuzər oğlu Qədirli həlak olublar.
Bu barədə sosial şəbəkələrdə məlumat yayılıb.
Məlumata görə, rusiyalı hərbçilər Xerson vilayətində Orxan Əzizli və Ramiz Qədirliyə məxsus meyvə dolu yük maşınının üstündən tankla keçiblər. Nəticədə hər iki şəxs həlak olub.
Həmyerlilərimizin cənazəsinin doğulduqları kəndə gətirilməsi gözlənilir.
Xarici İşlər Nazirliyi iki şəxsin Ukraynada həlak olması barədə xəbəri təsdiqləyib.
