Tiflisdə azərbaycanlı iş adamı başından güllələndi

Gürcüstanın paytaxtı Tiflisdəki “Lilo Mall” ticarət mərkəzində silahlı hücum olub.

Bu barədə yerli mətbuat məlumat yayıb.

Qeyd olunub ki, silahlı hücuma iş adamı etnik azərbaycanlı Roman İsayev məruz qalıb.

Xəstəxanaya çatdırılan iş adamının vəziyyəti ağır qiymətləndirilir. Roman İsayevin süni tənəffüs aparatına qoşulduğu bildirilib.

Məlumata görə, silahlı şəxs ticarət mərkəzində tekstil mağazasının sahibi olan Roman İsayevdən söhbət etmək üçün küçəyə çıxmasını istəyib, lakin sonuncu buna rədd cavabı verib. Bundan sonra şübhəli atəş açaraq onu yaralayıb və ərazidən qaçıb.

Hadisə yerindən qaçan cinayətkarın axtarışı davam etdirilir.