Rusiyada polis idarəsinə PUA hücumu...
Dərc olunub:
31-07-2023, 05:38
Hadisə şahidləri Bryansk vilayətinin Trubçevsk şəhərində polis idarəsində partlayış baş verdiyini bildiriblər.
APA-nın məlumatına görə, bu barədə Mash Telegram kanalı məlumat yayıb. İlkin məlumatlara görə, binaya pilotsuz uçuş aparatı (PUA) çırpılıb.
“Binanın damı zədələnib, altı pəncərə sınıb”, – nəşr yazır.
Kanalın məlumatına görə, ölən və xəsarət alan olmayıb. Hazırda binanın ətrafındakı yollar bağlanıb, hadisə yerində əməliyyat qrupu işləyir.
