Təbrizdə SEPAH üzvü döyülərək öldürüldü
Dərc olunub:
17-07-2023, 12:47
Təbrizdə SEPAH-ın nəzarətində olan yarım-hərbi “Bəsic” qüvvələrinin üzvü Əmir Hüseynpur öldürülüb.
Axar.az xəbər verir ki, bu barədə SEPAH-ın Şərqi Azərbaycanda yerləşən “Aşura” briqadası məlumat yayıb.
Məlumatda Hüseynpurun dörd gün öncə xidməti vəzifəsini yerinə yetirərkən yerli sakinlərdən biri tərəfindən döyüldüyü və xəstəxanaya köçürüldükdən sonra iyulun 16-ı axşam saatlarında öldüyü bildirilib.
Hücum edən şəxsin kimliyi və həbs edilib-edilmədiyi barədə hər hansı açıqlama verilməyib.
