"Vaqner” döyüşçüləri qiyam zamanı nüvə bazasını ələ keçirməyə çalışıb - İDDİA
Qiyamçı “Vaqner” qüvvələri iyunun 24-də şimaldan Moskvaya doğru hərəkət edərkən, hərbi maşınlar kontingenti şosse ilə şərqə, nüvə silahı saxlayan möhkəmləndirilmiş hərbi baza istiqamətinə yönəlib.
“Reuters” bildirir ki, bu barədə Ukrayna Təhlükəsizlik Xidmətinin rəhbəri Kiril Budanov bildirib.
Muzdlular daha çox kənd rayonlarına çatdıqdan sonra müşahidə cığırları soyuyur – “Voronej-45” nüvə bazasından təxminən 100 km məsafədə. “Reuters” bundan sonra nə baş verdiyini təsdiq edə bilməyib və Qərb rəsmiləri dəfələrlə bildiriblər ki, həmin gün tez və müəmmalı şəkildə başa çatan qiyam zamanı Rusiyanın nüvə ehtiyatı heç vaxt təhlükə altında olmayıb.
Lakin Budanov bildirib ki, Vaqner döyüşçüləri daha da irəli gediblər. Onun sözlərinə görə, “Vaqner” muzdluları nüvə bazasına çatıblar və üstünlüklərini artırmaq üçün Sovet dövründən qalan nüvə sursatlarını nəzarətə almaq istəyiblər.
“Çünki siz ayaqda duran son adama qədər döyüşməyə hazırsınızsa, bu, “mərcləri” xeyli yüksəldən obyektlərdən biridir”, - Budanov bildirib.
Budanovun sözlərinə görə, “Vaqner” döyüşçüləri ilə nüvə silahları arasında yeganə maneə nüvə anbarının qapıları olub və muzdlular bazaya daxil ola bilməyiblər.
“Reuters” müstəqil olaraq “Vaqner” döyüşçülərinin “Voronej-45”ə çatdığını müəyyən edə bilməyib. Budanov iddiasına dair sübut təqdim etməyib və o, ABŞ və digər müttəfiqləri ilə insidentlə bağlı hansı müzakirələrin aparıldığını deməkdən imtina edib. O, döyüşçülərin sonradan niyə geri çəkildiyini də açıqlamayıb.
