Vahid Ələkbərovun sərvəti 20 milyardı keçdi
2023-cü ilin əvvəlindən rusiyalı milyarderlərin ümumi sərvəti 16,6 milyard dollar artıb. “Lukoyl” neft şirkətinin yaradıcısı Vahid Ələkbərovun kapitalı digərlərindən daha çox, 4,8 milyard dollar artaraq, 20,2 milyard dollara çatıb (1 may 2023-cü il tarixinə bu rəqəm 19,1 milyard idi).
Avrasiya.net xəbər verir ki, bu barədə “Blumberq” məlumat yayıb.
Məlumata görə, dünyanın ən varlı adamlarının reytinqinə 24 rusiyalı daxildir:
“Onların ümumi sərvəti 3 iyul 2023-cü il tarixinə 289,21 milyard dollar təşkil edib. “NorNikel”in sahiblərindən biri Vladimir Potanin ən varlı rusiyalı olaraq qalır, amma onun sərvəti ilin əvvəlindən 28,9 milyard dollardan 28,5 milyard dollara qədər azalıb. İkinci yeri “Novatek”in ortağı Leonid Mixelson tutur. Onun kapitalı 1,5 milyard dollar artaraq 26,1 milyard dollara çatıb. Üçüncü yerdə NLMK-nın benefisiarı Vladimir Lisin qərarlaşıb, sərvəti 3,22 milyard dollar artaraq 23,1 milyard dollara çatıb”.
