27 ölkə Rusiyaya təzyiqləri artırır
Avropa İttifaqına (Aİ) üzv olan 27 ölkənin lideri Rusiyaya təzyiqləri daha da artırmaq üçün tədbirləri müzakirə ediblər.
Aİ sammitinin bəyanatına istinadən xəbər veririk ki, Avropa Şurası Rusiyanın təcavüzkar müharibə aparmaq qabiliyyətini zəiflətmək üçün ona qarşı təzyiqləri daha da artırmağı, o cümlədən sanksiyaların tətbiqi, onların tam, effektiv şəkildə həyata keçirilməsi və sanksiyalardan yayınmaların qarşısını almaq səylərini müzakirə edib.
“Bu kontekstdə Aİ liderləri Rusiyaya qarşı 11-ci sanksiyalar paketinin qəbulunu alqışlayırlar. Avropa Şurası qanunvericiləri Aİ-nin məhdudlaşdırıcı tədbirlərinin pozulmasına görə cəzaların və cərimələrin tətbiqi üzrə təklif olunan direktivi mümkün qədər tez yekunlaşdırmağa çağırır”, - Aİ-nin bəyanatında vurğulanıb.
