KKTC-nin XİN rəhbəri Türk Evinə hücumu qınadı

Quzey Kıbrıs Türk Cümhuriyyətinin (KKTC) xarici işlər naziri Tahsin Ərtoğruloğlu Türkiyənin BMT-dəki Daimi Nümayəndəliyi, Nyu York Baş Konsulluğu və KKTC-nin Nyu York nümayəndəliyinin yerləşdiyi “Türk Evi”nə hücumu qınayıb.

Avrasiya.net xəbər verir ki, bu barədə Ərtoğruloğlu yazılı açıqlamasında qeyd edib.

“Türk Evi binasına edilən alçaq hücumu şiddətlə qınayıram. Amerika Birləşmiş Ştatları hücumun səbəbkarlarını dərhal müəyyən etməli və onları məsuliyyətə cəlb etməlidir”, – deyə o bildirib.