Qərar verildi: Baxçalı sədrlik edəcək
Dərc olunub:
20-05-2023, 11:55
Türkiyədə keçirilən seçkilərdən sonra Türkiyə Böyük Millət Məclisindəki (TBMM) partiyaların və deputatların siyahısı tam bəlli olub.
Bu barədə Türkiyə mediası məlumat yayıb.
Bildirilib ki, Ali Seçki Qurumu nəticələri açıqladıqdan sonra 3 gün ərzində TBMM-in açıq elan edilməsi gözlənilir.
TBMM-in 28-ci çağırışının ilk plenar iclasına, əsasnaməyə uyğun olaraq, “ən yaşlı üzv” kimi MHP lideri Dövlət Baxçalı sədrlik edəcək. Əgər D.Baxçalı bunu qəbul etməsəydi, parlamentin müvəqqəti sədri HDP-dən Çingiz Çandar olacaqdı.
Cümhur İttifaqı da Qurtuluş müharibəsinə rəhbərlik edən bir parlamentə HDP-dən birinin rəhbərlik etməsini uyğun görməyib.
Qeyd edək ki, bundan əvvəlki illərdə Baxçalı bu vəzifəni qəbul etməmişdi.
