Keçmiş müdafiə naziri həbs oluna bilər
Hərbi cinayətkar Seyran Ohanyanın ətrafındakı halqa getdikcə daralır.
Erməni mətbuatı xəbər verir ki, Qarabağda saysız-hesabsız hərbi cinayətlər törətmiş Seyran Ohanyana qarşı Ermənistan Milli Təhlükəsizlik Xidmətinin qaldırdığı cinayət işinin ilkin istintaqı yekunlaşıb.
Məlumatda deyilir ki, Ohanyana qarşı azı dörd maddə üzrə ittiham irəli sürülüb ki, buraya da dövlət əmlakının külli miqdarda talanması, ağır nəticələrə gətirib çıxaran vəzifədən sui-istifadə kimi ittihamlar daxildir. Onunla bərabər eyni cinayət işi üzrə Ermənistan Əmlak Komitəsinin sabiq rəhbərinin, eləcə də hərbi hissələrdən birinin komandirinin adı keçir.
Sözügedən ağır cinayətləri əks etdirən maddələr Ohanyanın uzun müddətə həbsə göndərilməsini şərtləndirir və bu cinayət işi bir daha Qarabağdakı separatizmin ən fəal üzvlərinin və rəhbərlərinin korrupsiyalaşmış, oğru, cinayətkar ünsürlər olduğunu təsdiqləyir.
