Türkiyə Parlamenti Finlandiyanın NATO-ya üzvlüyü ilə bağlı qanun layihəsini qəbul edib
Dərc olunub:
31-03-2023, 03:06
Türkiyə Böyük Millət Məclisinin Baş Assambleyası Finlandiyanın NATO-ya qəbulu ilə bağlı Protokolun təsdiq edilməsi təklifini müzakirə edib.
APA xəbər verir ki, bu barədə "TRT Haber" məlumat yayıb.
Deputatların səsverməsinə çıxarılan təklif qəbul edilib.
Bununla da ölkənin NATO-ya üzv olması üçün Parlamentdə atılan addım tamamlanıb.
Finlandiya bundan əvvəl NATO-ya üzv olan 29 ölkənin təsdiqini almışdı.
Türkiyənin də razılığı ilə onun üzvlüyü mümkün olacaq.
Baş Assambleyada qəbul edilən mətn təsdiq üçün prezident Ərdoğana göndəriləcək.
