Saakaşvili azadlıq tələb edir
Gürcüstanın həbsdə olan sabiq prezidenti Mixail Saakaşvili bildirib ki, həkimlərin tövsiyələrinə yalnız bir halda əməl edəcəyini açıqlayıb.
Avrasiya.net Gürcüstan mətbuatına istinadən xəbər verir ki, bu barədə onun müalicə aldığı "Vivamed" klinikasının direktoru Zurab Çxaidze danışıb.
"O deyir ki, yalnız azad olunacağı halda həkimlərin məsləhətinə qulaq asacaq. Xəstə müxtəlif instrumental müayinələrdən keçib. Mədənin qida qəbulu və emalı prosesində iştirak etdiyi, mexaniki müqavimətin olmadığı təsdiqlənib. Pasient sadəcə psixo-emosional fonda yemək yemir, imtina edir və nəticədə xəstədə qida qəbuluna tam dözümsüzlük var", - deyə həkim Saakaşvilinin hansı vəziyyətdə olduğunu izah edib.
Klinika direktorunun sözlərinə görə, endokrinoloq hər gün Saakaşviliyə menyu yazır və bu barədə ailə üzvlərinə məlumat verir, lakin tövsiyələr yerinə yetirilmir.
Qeyd edək ki, Saakaşvili Ukraynadan Gürcüstüna qayıtdığı 2021-ci ilin oktyabr ayından bəri həbsdədir. O, dəfələrlə aclıq aksiyası keçirib. Səhhətində ağır problemlər yaranan eks-prezident bir müddət əvvəl müalicə müəssisəsinə köçürülüb.