Təbrizdə 800 min insan TƏHLÜKƏ ALTINDADIR
Dərc olunub:
20-02-2023, 11:04
Təbriz şəhərinin 850 min əhalisi zəlzələ səbəbindən təhlükə altındadır.
Bu barədə "Irna" informasiya agentliyi şəhərin daxil olduğu İranın Şərqi Azərbaycan vilayətinin rəsmilərinə istinadən məlumat yayıb.
Qeyd olunur ki, Təbrizdə 2 min hektar qanunsuz yaşayış məntəqəsi, 2 min 500 hektar isə səmərəsiz və köhnəlmiş tikililər mövcuddur.
Agentliyin məlumatında bildirilir ki, dünya əhalisinin 1%-i İranda olduğu halda təbii fəlakətlərin törətdiyi risklərin 6%-i bu ölkənin payına düşür.
Qeyd edək ki, dünən Təbrizdə qaz partlayışı 4 binanın çökməsinə səbəb olub, nəticədə 2 nəfər ölüb.