Gürcüstan müsəlmanları da Türkiyəyə yardım toplayır
Dərc olunub:
9-02-2023, 13:54
Türkiyədə zəlzələdən zərər çəkənlərə yardım aksiyasına Gürcüstan müsəlmanları da qoşulublar.
Bunu "Xalq Cəbhəsi"nə Gürcüstan Müsəlmanları İdarəsinin sədri şeyx Hacı Ramin İgidov bildirib.
O, bildirib ki, yardım toplanması ilə bağlı müsəlmanlara müraciət olunub: "Artıq aksiyaya başlanılıb. Məscidlərdəki imam və axundlara tapşırıqlar verilib, pul vəsaiti ilə yanaşı tələb olunan, zəruri əşyalar da toplanır. Bu yardımlar təkcə Türkiyə yox, Suriyada baş verən zəlzələdən zərər çəkənlərə də çatdırılacaq".
