İranda hakimiyyətdaxili parçalanma güclənir

Etiraz aksiyaları başlayandan sonra bir sıra komandirlər və keçmiş rəsmilər sistemdən uzaqlaşmağa çalışırlar.

Avrasiya.net xəbər verir ki, bunu SEPAH komandirinin müşaviri və İmam Hüseyn adına Hərbi Universitetin keçmiş başçısı Həmid Abazəri deyib.

O, ad çəkmədən bir sıra tanınmış hökumət adamlarının etirazlar qarşısında susduğunu, Əli Xameneini müdafiə etmədiklərini bildirib.

“Bir çox komandirlər bu hadisələr zamanı kəskin mövqe nümayiş etdirə, müqavimət göstərə bilməyib, dəyərlərimizə qarşı çıxdılar”.

Qeyd edək ki, Həmid Abazərinin bu çıxışı İranda hakimiyyətdaxili parçalanmanın gücləndiyi ehtimallarını qüvvətləndirir.