İran Rusiyadan qırıcılar alacaq
Dərc olunub:
26-12-2022, 07:20
Rusiya yaxın vaxtlarda İrana Su-35 döyüş təyyarələri göndərəcək.
Bu barədə İsrailin "i24news" telekanalı Moskva və Tehran arasında hərbi sövdələşmələri izləyən Qərb kəşfiyyat mənbələrinə istinadən məlumat yayıb.
Kanal bildirir ki, bu döyüş təyyarələri Misir üçün nəzərdə tutulan 24 ədəd Su-35 qırıcısıdır. ABŞ-ın təzyiqindən sonra Misir qırıcıları almaqdan imtina edib.
Kəşfiyyat mənbələrinin məlumatlarına görə, iranlı pilotlar artıq bu təyyarələrdə təlim keçir. Bundan əlavə, Tehran Moskvadan hava hücumundan müdafiə sistemləri alacaq.
Bildirilir ki, İran öz növbəsində Rusiyaya əlavə 300 ədəd "Şahed-136" kamikadze pilotsuz uçuş aparatları verəcək.