Aİ daha dörd Rusiya bankına qarşı sanksiyalar tətbiq etməyi təklif edib

Aİ daha dörd Rusiya bankına qarşı sanksiyalar tətbiq etməyi təklif edibİrlandiya, Polşa və Baltikyanı ölkələr Rusiyadan brilyant və siqaret idxalına qadağa qoyulması, həmçinin bir sıra təşkilatların, o cümlədən “Qazprombank”ın SWIFT-dən ayrılması və nüvə enerjisi sahəsində Moskva ilə əməkdaşlığa veto qoyulması yolu ilə anti-Rusiya sanksiyalarını gücləndirməyi təklif edir.

“Report” “Europa Press” agentliyinə istinadən xəbər verir ki, İrlandiya, Estoniya, Litva, Latviya və Polşa SWIFT sistemindən çıxarılan təşkilatların siyahısını “Qazprombank”, “Alfa-Bank”, “Rosbank” və “Tinkoff Bank”adək genişləndirməyi təklif ediblər.

Həmçinin bu beş ölkə Rusiya sığortaçılarının xidmət göstərməsinə qadağa qoymağı və propan və ya butan kimi məhsulların, yəni mayeləşdirilmiş neft qazından alınan məhsulların Aİ-yə idxalına veto qoymağı təklif edir.