Böyük müharibə başlaya bilər - Savin
Baydenin bəyanatı Ukrayna ordusunun NATO təlimatçılarının dəstəyi ilə Minsk razılaşmalarını pozaraq Donetsk və Luqansk ərazilərini işğal edə biləcəyi qorxusunu təsdiqləyir.
Bu sözləri Axar.az -a açıqlamasında rusiyalı politoloq, publisist, “Geopolitika” qəzetinin baş redaktoru Leonid Savin deyib.
“Belə cəhdlər baş verərsə, əslində bu, “soyqırım planı” olacaq və Rusiya Ukraynanı sülhə məcbur etmək üçün müdaxiləyə məcbur olacaq. Hələlik Baydenin bu bəyanatı bir çox digər Qərb siyasətçiləri kimi, Rusiyaya qarşı informasiya müharibəsinə uyğundur. Amma Ukrayna hərbçilərinin davranışları, ABŞ və NATO-dan silah tədarükü ilə bağlı məlumatlar hələ də həyəcanvericidir. Ona görə də Rusiya qoşunlarının Ukrayna ilə sərhəddə olmasında haqlıdır və bu, Rusiyanın suveren işidir”, - deyə rusiyalı ekspert vurğulayıb.
Xatırladaq ki, ABŞ Prezidenti Co Bayden amerikalıları Ukraynanı tərk etməyə çağıraraq, oradakı vəziyyətin tez bir zamanda “qarışa” biləcəyi barədə xəbərdarlıq edib.
