Azərbaycan dövlətçiliyi üçün tarixi dönüş nöqtəsi - 03.09.1991
Vasif Əfəndi
Siyasi ekspert
Heydər Əliyevin 3 sentyabr 1991-ci ildə Naxçıvan Ali Məclisinin Sədri seçilməsi gün.
1991-ci il 3 sentyabr tarixi Azərbaycanın müasir dövlətçilik tarixində mühüm bir mərhələ kimi yadda qalmışdır. Həmin gün görkəmli dövlət xadimi Heydər Əliyev Naxçıvan Muxtar Respublikası Ali Məclisinin Sədri seçildi. Bu hadisə, Azərbaycanın müstəqillik yolunda inamla irəlilədiyi, lakin çətin və qeyri-müəyyən bir dövrdə baş verdi.
SSRİ-nin süqutu ərəfəsində ölkədə xaos və siyasi sabitsizlik hökm sürürdü. Dövlət idarəçiliyində təcrübəsizlik, separatizm meyilləri və Ermənistanın Azərbaycana qarşı hərbi təcavüzü vəziyyəti daha da ağırlaşdırırdı. Belə bir şəraitdə Heydər Əliyevin siyasi səhnəyə qayıdışı və Ali Məclisə rəhbər seçilməsi gələcəkdə onun siyasi hakimiyyətin ən yüksək pilləsinə yüksəlməyə zəmin yaratdı...
Heydər Əliyev Naxçıvanda qısa müddətdə mühüm və prinsipial qərarlar qəbul etdi. O, Naxçıvan Muxtar Respublikasının adından “sovet sosialist” sözlərinin çıxarılması, Azərbaycan Xalq Cümhuriyyətinin üçrəngli bayrağının rəsmi bayraq kimi qəbul edilməsi və 31 Dekabrın Dünya Azərbaycanlılarının Həmrəyliyi Günü elan olunması kimi tarixi addımlara imza atdı.Onun uzaqgörənliyi və siyasi iradəsi Azərbaycanın dövlət müstəqilliyinin möhkəmləndirilməsində və gələckdə məğlub olduğumuz müharibədə zəfər bayrağını qaldıran İlham Əliyev kimi komandanın yetişdirilməsində həlledici rol oynadı.
