PTX mayorunun ölüm səbəbi məlum oldu
Dərc olunub:
22-08-2025, 12:45
Prezidentin Təhlükəsizlik Xidmətinin (PTX) zabiti, mayor Erkin Ələkbərovun ölüm səbəbi məlum olub.
"Unikal"ın əldə etdiyi məlumata görə, 36 yaşlı mayor xidməti vəzifəsini yerinə yetirərkən ürəktutmadan vəfat edib.
Məlum olub ki, E.Ələkbərovun atası da 48 yaşında eyni səbəbdən dünyasını dəyişib. O, da həmçinin XDMX-nin (indiki PTX) polkovnik-leytenantı olub.
Erkin Ələkbərov Heydər Əliyev adına Azərbaycan Ali Hərbi Məktəbi və Cəmşid Naxçıvanski adına Hərbi Liseydə təhsil alıb, daha sonra Milli Qvardiyada xidmət edib.
Onun 5 yaşında qızı və 1 yaşında oğlu var.
Qeyd edək ki, zabit Azərbaycan Milli Karate yığmasının üzvü, Dünya və Avropa çempionatlarının bürünc mükafatçısı və İslam Oyunlarının qızıl medalçısı Tural Ələkbərlinin qardaşıdır.
